Bul týraly QazAqparat Ulttyq statıstıka bıýrosynyń málimetterine silteme jasap jazdy.
Halyq sanaǵy BUU Bas Assambleıasy jarııalaǵan 2020 jylǵy halyq sanaǵy men turǵyn úı qorynyń Dúnıejúzilik raýndy aıasynda júzege asyrylady. 2021 jyly halyq sanaǵy álemniń 61 elinde ótedi.
Aldaǵy halyq sanaǵynyń qundylyǵy onyń Qazaqstan Respýblıkasynyń halqy boıynsha demografııalyq ahýaldy bilip qana qoımaı, áleýmettik salanyń kóptegen aspektileri boıynsha ahýaldy boljaýǵa múmkindik beredi.
Halyq sanaǵy eldiń ulttyq statıstıkalyq júıesiniń quramdas jáne ajyramas bóligi, halyq jáne onyń turǵyn úı jaǵdaılary týraly derekterdiń negizgi kózi bolyp sanalady. Halyq sanaǵynyń qorytyndylary elde oryn alǵan ekonomıkalyq, demografııalyq jáne áleýmettik ózgeristerdi aıqyndaıdy.
Halyq sanaǵy barysynda alynǵan statıstıkalyq derekter barlyq deńgeıdegi bıýdjetterdiń barynsha obektıvti qalyptasýyna negiz bolmaq. Ekonomıka men bıýdjettik baǵdarlamalardy josparlaý jáne damytý úshin qurylys pen turǵyn úıdi bólý, demografııalyq jáne kóshi-qon prosesteri, bilim, densaýlyq saqtaý, áleýmettik sala jáne jumys oryndaryn qurý boıynsha baǵdarlamalardy damytýǵa járdemdesetin halyq sanaǵynyń aqparattyq derekteri qajet.
Ulttyq halyq sanaǵyna qatysatyn árbir azamat memlekettik áleýmettik baǵdarlamalardy josparlaý jáne ázirleýge aýqymdy jáne qundy úlesin qosady.
