Álem • 12 Tamyz, 2021

AQSh-ta júkti áıelderge vaksına salý usynyldy

570 ret

kórsetildi

1 mın

oqý úshin

AQSh-ta júkti jáne bala emizetin áıelderge COVID-19 vaksınasyn alý resmı túrde usynyldy, dep habarlaıdy Egemen.kz.

Gaýhar QAPASh

AQSh-ta júkti áıelderge vaksına salý usynyldy

Bul týraly AQSh aýrýlardy baqylaý jáne aldyn alý ortalyǵy (CDC) málimdedi.
CDC málimetinshe, zertteýler koronavırýsqa qarsy vaksınalar júkti jáne bala emizetin áıelderge esh qaýip tóndirmeıtinin anyqtaǵan. Pfizer de vaksınasynyń júkti áıelderge tıgizetin áserin teksere bastady. Osylaısha, shuǵyl qoldanýǵa arnalǵan úsh vaksına usynylǵan: Pfizer, Moderna jáne Johnson & Johnson.

Usynys júkti áıelderge de, balaly bolýdy josparlaǵan nemese qazir bala emizetinderge de qatysty. Derekterdi taldaý nátıjesinde júktiliktiń 20-shy aptasyna deıin Pfizer nemese Moderna vaksınalaryn alǵan 2 500-ge jýyq júkti áıeldiń arasynda túsik tastaý qaýpi joǵary emes ekenin anyqtalǵan.

CDC buǵan deıin júkti áıelderge vaksına salý týraly naqty usynystar bergen joq. Alaıda qazir ortalyq 12 jastan asqan barlyq adam, sonyń ishinde júkti áıelder úshin de koronavırýsqa qarsy vaksınanyń paıdasy baryn aıtyp otyr.

Aıta keteıik, AQSh-tyń aýrýlardy baqylaý jáne aldyn alý ortalyqtarynyń (CDC) jańa taldaýy COVID-19 vaksınasyn alǵan júkti áıelderde túsik tastaý qaýpi ádettegi júktilikten joǵary emes ekenin kórsetti.