Bul jolǵy talqylaý «Zamanaýı jastar: problemalary, qajettilikteri, tendensııalary» taqyryby aıasynda órbidi.
Koronavırýs pandemııasy áli de jalǵasyp jatqan álemde, ásirese, jastar túrli syn-qater men problemalarǵa kezigip júr. Osy rette jastardyń áleýmettik, ekonomıkalyq jáne ózge de mańyzdy baǵyttar boıynsha qajettilikteri memleket tarapynan qanaǵattandyrylyp keledi. Alaıda jastardyń ornyqty damyp, ózin odan ári jetildirýine qolaıly jaǵdaı jasaý úshin jastar arasyndaǵy ózekti tendensııalar árdaıym saralanyp turýy qajet.
Saraptamalyq alańyndaǵy talqylaýǵa qatysqan Aqparat jáne qoǵamdyq damý mınıstrligi Jastar jáne otbasy isteri komıtetiniń tóraǵasy Sh.Baımanov pen Parlament Májilisiniń depýtaty M.Ahmetov jastar arasyndaǵy qazirgi problemalar árdaıym memleket nazarynda jáne olardy sheshý baǵytyndaǵy is-sharalar jalǵasa beretinin basa aıtty.
Taǵy bir aıta keter jaıt, basqosý barysynda «Jastar» ǴZO dırektory A.Sakoshev Memleket basshysyna jyl saıyn engiziletin «Qazaqstan jastary» ulttyq baıandamasynyń negizi bolatyn 2021 jyly júrgizilgen áleýmettik zertteýdiń nátıjelerin usyndy. Zertteý qorytyndysy ótken jylǵy nátıjemen salystyrǵanda birqatar ózgeris bolǵanyn kórsetti.
Saraptamalyq alańda, sonymen qatar Parlament Senaty janyndaǵy Jas sarapshylar klýbynyń múshesi J.Ysqaqova «Jastardyń qundylyq baǵdary», saıasat jóninde konsýltant D.Aıkenova «Qazirgi jastardyń minez-qulqynyń úlgileri», Jas Otan JQ tóraǵasynyń orynbasary A.Búrkitalın «Jastardy jumyspen qamtý máseleleri» jáne «Jas ulan» RQB tóraıymy D.Sádýaqasova «Jastar ortasyndaǵy býllıng jáne lýdomanııa máseleleri» taqyryptary boıynsha óz pikirlerin, naqty usynystaryn bildirdi.
Jastar: ózekti másele saraptamalyq alańy kezekti otyrysynyń qorytyndysy boıynsha memlekettik qyzmetkerler, sarapshylar, ÚEU ókilderi jáne ózge de qatysýshylar tarapynan berilgen qoldanbaly usynystar tizimi qalyptastyryldy.
Is-shara barlyq sanıtarlyq normalarǵa saı onlaın jáne oflaın formattarda
ótti.
