Ankarada sırııalyq bosqyn tóbeles kezinde eki túrikti óltirgennen keıin shıelenis kúsheıe tústi. Bunyń sońy túrikterdiń Ankaradaǵy mıgranttar turatyn aımaqqa jappaı shabýyldaryn kúsheıtti.
Áleýmettik jelilerdegi fotosýretter men vıdeolardan polıseıler qorshaýyn buzyp, kólikterdi syndyryp, órtep, dúkenderdiń terezeleri men úılerdiń terezelerine tas laqtyrǵan adamdardyń aıqaılaǵanyn kórýge bolady.
Reuters agenttiginiń málimetinshe, tártip saqshylary aspanǵa oq atqan. 76 búlikshi ustaldy. Ankara polısııasynyń málimetinshe, ustalǵandardyń 38-iniń qaraqshylyq, zorlyq-zombylyq jáne páter tonaýǵa qatysty qylmystary bolǵan.
Bılik jergilikti turǵyndardy tynyshtandyrý úshin aımaqqa arnaıy jasaqty jiberdi, al keıbir sırııalyqtar eldi mekennen evakýasııalandy. Birneshe saǵattyq qaqtyǵystan keıin tártip saqshylary qoǵamdyq tártipti qalpyna keltirdi.
Túrkııa shamamen 3,7 mıllıon sırııalyq bosqyndardy qabyldady. Al sońǵy tolqýlar Aýǵanstandaǵy qaqtyǵystar kezinde Irannan Túrkııaǵa keletin aýǵan bosqyndarynyń sanynyń ósýinen qorqqandyqtan bolǵan.
Buǵan deıin Eýropalyq Odaq Túrkııaǵa 2024 jylǵa deıin sırııalyq bosqyndardy qabyldaýdy jalǵastyrý úshin 3,5 mıllıard eýro berýdi qarastyryp jatqandyǵy týraly habarlanǵan bolatyn.
