Foto: AFP
Buǵan deıin Mazarı-Sharıf qalasy Talıbanǵa qarsy tura alatyn qala bolyp esepteldi. Qalaǵa mańyzdy áskerı kúsh shoǵyrlandy.
Qalanyń tez jeńilip qalýy kútpegen jaǵdaı boldy.
Kabýldaǵy sheteldik tilshilerdiń habarlaýynsha, Kabýl men bir-birinen ajyratylǵan qarsylasý ortalyqtaryn qospaǵanda, iri qalalardan kórshiles Nangarhar provınsııasynyń astanasy men ortalyǵy Djalalabad ǵana qaldy.
Eki kún buryn Aýǵanstan Prezıdenti Ashraf Ǵanı ásker kóńilin kóterý úshin Mazarı-Sharıfke barǵan edi. Kezdesýinde Ǵanı halqyna úndeý joldap, bılik aqsaqaldar men saıası kóshbasshylarmen, aýǵan qoǵamyndaǵy ár túrli top ókilderimen jáne halyqaralyq seriktestermen keńesip jatqanyn aıtty.
«Men sizdiń Prezıdentińiz retinde turaqtylyqty saqtap, zorlyq-zombylyqty jáne halqymnyń qonys aýdarýyn boldyrmaýǵa tyrysamyn», dep qosty ol.
Buǵan deıin Ǵanıdiń otstavkaǵa ketetini týraly qaýeset taraǵan, biraq olaı bolmady. Keıbir málimetterge sáıkes, prezıdent qyzmetinen ketpeıinshe, talıbandar beıbit kelissózderge qatysýdan bas tartyp otyr.
Senbi kúni Talıban sodyrlary eldiń shyǵysyndaǵy taǵy eki provınsııanyń astanasy Paktıka men Kýnardy basyp aldy. Kabýldan ońtústik-batysqa qaraı 40 shaqyrym jerde, Maıdan Vardak provınsııasynyń ortalyǵy Maıdan Sharanyń mańynda da shaıqastar júrip jatyr.
Jergilikti jýrnalıstiń aıtýynsha, AQSh áskerleri juma kúni Talıban baqylaýyna alǵan Kandagar provınsııasynyń halyqaralyq áýejaıyna áýe shabýylyn bastady.
Sodyrlar qazirdiń ózinde Aýǵanstandaǵy 34 provınsııanyń kópshiliginiń ákimshilik ortalyǵyn basyp aldy.
