Pandemııa bastalǵaly beri Batys Qazaqstan oblysynda 32 683 adamnyń koronavırýs ınfeksııasyn juqtyrǵany tirkelgen. Al 1 tamyzdan beri COVID-19 158 adamnan anyqtaldy. Naýqastyń kóbi, ıaǵnı 553 adam Oral qalasynda tirkelgen. Sondaı-aq Bórli aýdanynda – 258, Báıterek aýdanynda – 229, Terekti aýdanynda – 83, Qaztalov aýdanynda 76 adamnyń koronavırýs juqtyrǵany anyqtaldy.
Batys Qazaqstan oblystyq sanıtarlyq-epıdemıologııalyq baqylaý departamenti basshysynyń orynbasary Nurlybek Mustaevtyń aıtýynsha, sońǵy aptada ótken aptamen salystyrǵanda aýrýshańdyq 11,1%-ǵa tómendegen.
Oblysta 11 tamyz kúni koronavırýs dıagnozymen 169 naýqas jańadan tirkeldi. Olardyń teń jartysy jumys isteıtin adamdar bolsa, 4 paıyzǵa jýyǵy balabaqshaǵa, lagerge barmaıtyn balalar eken.
Ashyq qosymshasy «sary» nemese «qyzyl» dárejesi bola tura karantın tártibin saqtamaı, kópshilik oryndarǵa baratyn tulǵalardy anyqtaýǵa septigin tıgizýde. Sońǵy aptada ǵana osyndaı 36 adam áshkere bolǵan. Olarǵa Ákimshilik kodekstiń 425-baby, 1-bóligi boıynsha jalpy kólemi 2 289 845 teńge mólsherinde barlyǵy 53 ákimshilik hattama toltyrylǵan.
Elimizde koronavırýsqa qarsy ekpe naýqany bastalǵaly Batys Qazaqstan oblysynda vaksınanyń birinshi komponentin 179 964 adam, ekinshi komponentin 137 440 adam saldyrdy. Búginde oblys boıynsha barlyǵy 62 ekpe pýnkti jumys istep tur.
Batys Qazaqstan oblysy
