Shara formaty – dáris-konsert. Maqsaty – alys-jaqyn sheteldegi qandastarymyzǵa Abaı muratynyń táýelsizdikpen baılanysty ekenin baıyptatý.
Is-sharaǵa «Abaı mereıtoıy» kitabynyń avtory, tarıh ǵylymdarynyń doktory, akademık, Qazaqstan tarıhshylary ulttyq kongresiniń tóraǵasy Erlan Sydyqov, «Otandastar» qorynyń vıse-prezıdenti Maǵaýııa Qanapııauly, professorlar Shákir Ibraev pen Serik Negımov, Germanııadaǵy Deutsch-Kasachische Gesellschaft Germanııa-Qazaqstan qoǵamynyń jetekshisi Galına Nurtazına, Iran, Túrkııa, Reseı jáne Mońǵolııadaǵy qazaq qoǵamdyq birlestikteriniń ókilderi, Qazaqstannyń eńbek sińirgen ártisi Kenjeǵalı Myrjyqbaı, sondaı-aq ózge de otandyq óner qaıratkerleri qatysty.
−Abaı bizge qajet ekenin sońǵy kezderde sezine bastadyq. Tek qazaq qoǵamy emes, búkil dúnıe sezine bastady. О́ıtkeni álemdegi qym-qıǵash saıasat, qoǵamdyq úrdister, negizgi qundylyqtarǵa nuqsan keltirip, kóp jaǵdaıdaǵy progrestiń ózi keri áser etip, urpaq tárbıeleýde kemshilikter kóbeıip ketti. Osy turǵyda bárimiz óz Abaıymyzdy izdeı bastadyq, – dedi akademık Erlan Sydyqov.
Sondaı-aq Abaı jylynda 200-ge jýyq is-shara ótkenin, onyń negizinde EUÝ-dyń muryndyq bolýymen ótkendigin, sonyń biri Prezıdent Qasym-Jomart Toqaevtyń tapsyrmasymen EUÝ-da qurylǵan «Abaı akademııasy» ekendigin basa aıtty.
– Abaı jylynda jıyrmadan astam zertteý kitap shyǵaryldy, «Abaı akademııasynyń» bereri kóp áli, osymen toqtap qalmaıdy. Abaıdyń toıy bir kúnde, bir jylda bitip qalatyn toı emes, bizge sabaq bolýy tıis, – dedi Erlan Báttashuly.
Kelesi kezekte sóz alǵan «Otandastar» qorynyń vıse-prezıdenti Maǵaýııa Qanapııauly Abaıdyń álemdik deńgeıdegi tulǵa ekenine toqtala kelip, osyndaı sharalar qazaq tilin, mádenıetimizdi damytýǵa súbeli úles qosatynyn jetkizdi.
– Byltyr Abaı jyly memlekettik deńgeıde óte aýqymdy atalyp ótti. «Otandastar» qory da óz tarapynan atsalysyp, onlaın-konsertter, konferensııalar men shyǵarmashylyq saıystar uıymdastyrdy. Sheteldegi qandastarymyz da qyzyǵýshylyqpen qatysyp, alǵystaryn áli kúnge deıin bildirip jatyr, – dedi Maǵaýııa Qanapııauly.
Aıta ketken jón, kitapqa ABAI TV telearnasynyń ashylýy, ǵylymı konferensııalar men sımpozıýmdar, mereıtoılyq monetalar men markalar, shetelderdegi Abaı eskertkishteri, saıabaqtar, kósheler men mádenı-aqparattyq ortalyqtarynyń ashylýy syndy mereıtoı jylynda atqarylǵan mańyzdy oqıǵalar engen. Aqynnyń japon, koreı, túrik, aǵylshyn, qyrǵyz, portýgal, arab, ıtalıan, qytaı jáne álemniń basqa da kóptegen tilderindegi aýdarylǵan shyǵarmalary men materıaldar bólek jarııalanbaq.
Sondaı-aq kitap-albomnan Abaı shyǵarmalary men abaıtaný boıynsha eńbekteri bar barlyq basylymdardyń bıblıografııalyq kórsetkishin tabýǵa bolady.
Uly aqynnyń týǵan kúnine arnalǵan sharany EUÝ-dyń áleýmettik-mádenı damý jónindegi prorektory, UǴA akademıgi Dıhan Qamzabekuly qorytyndylady.
«Egemen-aqparat»
