Jambyl oblysy polısııa departamenti JPQ jol-patrýldik polısııasy batalonynyń qyzmetkerleri Moıynqum aýdany PB qyzmetkerlerimen birlesip «Almaty-Ekaterınbýrg» tas jolynyń 366 shaqyrymynda qyzmettik ıttiń kómegimen 29 jastaǵy Qyzylorda turǵynyn ustady.
Tintý barysynda kúdiktiden 2 kılogramm marıhýana esirtki zaty tabyldy.
«Qazaqstan Respýblıkasy Qylmystyq kodeksiniń 296-baby 4-bóligi «Asa iri mólsherde esirtki zattaryn zańsyz saqtaý» boıynsha sotqa deıingi tergeý bastaldy. Qylmystyń bul túri boıynsha 3 jyldan 7 jylǵa deıin bas bostandyǵynan aıyrý jazasy qarastyrylǵan», dedi Moıynqum aýdandyq polısııa bóliminiń bastyǵy Jaras Tohabaev.
Kúdikti óz kinásin tolyq moıyndap, ýaqytsha ustaý ızolıatoryna qamaldy. Qazirgi kezde tergeý sharalary júrgizilýde.
