D. Qyryqbaevtyń aıtýynsha, búginde kommýnaldyq turǵyn úı qorynan baspanaǵa muqtaj jandardyń kezeginde 30 880 azamat tur. Onyń ishinde: 1 908 – jetim balalar; 3 268 – kópbalaly otbasylar; 11 292 – bıýdjettik uıymdardyń qyzmetkerleri; 14 412 – halyqtyń áleýmettik osal toptary.
«Jyl basynan beri 1 909 azamat turǵyn úımen qamtamasyz etildi. Onyń ishinde 41 adam kommýnaldyq turǵyn úı qorynan páter aldy, ıaǵnı jaldamaly, satyp alý quqyǵynsyz, 1117 - «Shańyraq» baǵdarlamasy boıynsha 13 mıllıard 500 mln teńgege jýyq, taǵy 85 adam - «Baqytty otbasy» baǵdarlamasy boıynsha (2-10- 20) 118 mln 400 myń teńgege jáne 666 adam «Almaty jastary» baǵdarlamasy boıynsha (5-10-25) 8 mıllıard 800 mıllıon teńge somasynda», dedi Turǵyn úı saıasaty basqarmasynyń basshysy.
D. Qyryqbaevtyń aıtýynsha, bıyl 6 047 almatylyqty turǵyn úımen qamtamasyz etý josparlanǵan. Onyń ishinde 1 451 adam jaldamaly baspanaǵa satyp alý quqyǵynsyz kóshe alady, kezekte turǵan 401 adamǵa páter satyp alý quqyǵynsyz jalǵa (185 - kópbalaly otbasylar; 216 - halyqtyń áleýmettik osal toptary) beriledi. Jumys isteıtin 29 jasqa deıingi jastar úshin 1 050 páter satyp alý quqyǵynsyz 5 jylǵa jalǵa berildi, 35 jasqa deıingi «Almaty jastary» baǵdarlamasy boıynsha 1 000 páter.
«Almaty qalasynyń ákimi Baqytjan Saǵyntaevtyń tapsyrmasy boıynsha «Shańyraq», «Baqytty otbasy», «Nesıelik turǵyn úı» jeńildik nesıelik baǵdarlamalary boıynsha bastapqy tólem úshin nomınaly 1 mıllıon teńgeni quraıtyn 2 000 qaıtarymsyz turǵyn úı sertıfıkatyn berý týraly sheshim qabyldandy», dedi D. Qyryqbaev.
Turǵyn úı sertıfıkaty jetim balalarǵa, kópbalaly otbasylarǵa, múgedek balasy bar otbasylarǵa, 1 jáne 2 toptaǵy múgedekterge beriledi. Aıta keterligi, 2 shildeden 17 tamyz aralyǵynda 127 ótinim qabyldanyp, maquldandy.
