El jáne Elbasy • 19 Tamyz, 2021

Elbasy Reseı Premer-Mınıstrimen kezdesti

84 ret kórsetildi

Qazaqstannyń Tuńǵysh Prezıdenti Nursultan Nazarbaev Reseı Federasııasynyń Premer-Mınıstri Mıhaıl Mıshýstınmen kezdesti, dep jazady Egemen.kz.

Kezdesý barysynda Nursultan Nazarbaev eki memleket arasyndaǵy yntymaqtastyqtyń joǵary deńgeıin atap ótti.

«Qazir biz qıyn kezeńdi bastan ótkerip jatyrmyz. Qazaqstan men Reseı koronavırýstyń taralýy men onyń ekonomıkaǵa áserimen baılanysty qıyndyqtardy birlesip jeńip keledi. Biz jaqynda Vladımır Pýtınmen kezdestik. Biz jumysty jalǵastyramyz», dedi Elbasy.

1

Qazaqstannyń Tuńǵysh Prezıdenti ekijaqty qatynastardy odan ári nyǵaıtý jáne Eýrazııalyq ekonomıkalyq odaq aıasyndaǵy aımaqtyq yntymaqtastyqty damytý máselelerine toqtaldy.

Mıhaıl Mıshýstın Nursultan Nazarbaevqa jyly qabyldaǵany úshin alǵysyn bildirip, Reseı Federasııasy Prezıdentiniń izgi tilegin jetkizdi. Qazaqstanǵa sapary barysynda júrgizilgen kelissózder men kezdesýlerdiń nátıjesi týraly aıtty.

«Biz ekijaqty kún tártibin belsendi túrde talqyladyq. Aıtaıyn degenim, osy jyldyń birinshi jartyjyldyǵynda elder arasyndaǵy taýar aınalymy 34%-ǵa ósti. Pandemııaǵa deıingi deńgeıden 20%-ǵa arttyrdyq. Jyl sońyna deıin 20 mıllıard dollardan asatyn kórsetkishke qol jetkizgimiz keledi», dedi M.Mıshýstın.

2

Reseı Premer-Mınıstri Qazaqstannyń sıfrlandyrý salasyndaǵy sheshiminen alǵan áserimen bólisti. Sonymen qatar koronavırýs ınfeksııasynyń taralýyna qarsy birlesken sharalardy júzege asyrýǵa toqtaldy.

«Keshe áriptesterim «elektrondyq úkimetke» uıymdastyrǵan ortalyqty kórsetti. О́te qyzyq jumystar. Shynyn aıtqanda, biz ózara ashyqpyz, biz de Reseı úkimetiniń úılestirý ortalyǵynda ne istegenimizdi kórsetemiz. Biraq keshe men sizderdiń eń zamanaýı sheshimderdi qanshalyqty jyldam engizip jatqandaryńyzǵa tań qaldym. Koronavırýsqa qatysty biz bul qıyn ınfeksııamen kúresý úshin qoldan kelgenniń bárin jasaımyz. Búginde «Spýtnık V» Qaraǵandy ​​farmasevtıkalyq zaýytynda shyǵarylady. 5 mıllıonnan astam doza óndirildi. Bul óte aýyr jumys. Qorytyndylaı kele, baýyrlastyq tatý kórshilik qarym-qatynasymyzdy joǵary baǵalaıtynymyzdy atap ótkim keledi. Biz ekijaqty yntymaqtastyǵymyzdy da, EAEO aıasyndaǵy qarym-qatynasty da barynsha damytýǵa nıettimiz», dedi M.Mıshýstın.

3

Sońǵy jańalyqtar

Uqsas jańalyqtar