«Kúzetshilerdi uryp-soǵý beınejazbasy bizdiń qyzmetkerlerimizdiń osy qylmysqa qatysy bar ekenine kúmán týdyrmaıdy. Biz olardy jumystan shyǵardyq. Kafeniń barlyq qyzmetkerleri jaýapqa tartyldy, olar óz taraptarynan buzaqylyq áreketterin rastady. Zardap shekken eki kúzetshiden qylmystyq jaýapkershilikke tartý týraly aryz tústi. Biz saraptama taǵaıyndadyq. Biz aldaǵy ýaqytta da barlyq zań buzýshylyqtarǵa, tipti óz qatarymyzda da dereý áreket etý ustanymyn ustanatyn bolamyz. Barlyq qyzmetkerler qylmystyq jaýapkershilikke tartylady. Keshe olar ustalyp, ÝUI-ǵa qamaldy», dep atap ótti Serik Kúdebaev.
Eske sala ketsek, 11 tamyz kúni túnde Qapshaǵaı qalasyndaǵy kafege kire beriste birneshe adam eki kúzetshige shabýyl jasaǵan bolatyn. Jekpe-jek syrtqy beınebaqylaý kameralaryna túsip, keıin kadrlar áleýmettik jelilerde taraldy. Tóbeles shyǵarǵandardyń Qapshaǵaı polısııa bóliminiń jedel ýákilderi ekendigi habarlandy.
