Nur-Sultan qalasy Polısııa departamentiniń habarlaýynsha, polıseıler nazaryna kez kelgen úlgidegi qujat daıyndaýdy ýáde etken jas er adam túsken. Ol qala turǵyndaryna aldyn ala tólem alyp, vaksına pasportyn 20 kún ishinde daıyndap berýdi usynǵan.
«Er adam jumys ornynyń janynda 50 myń teńge kólemindegi aqshany alý ústinde ustaldy. Kúdikti 28 jasta. Atalǵan fakti boıynsha qylmystyq is qozǵaldy. Vaksına pasportyn satyp almaq bolǵan azamattardyń sany anyqtalyp jatyr», dep jazylǵan habarlamada.
Nur-Sultan qalasynyń Polısııa departamenti azamattardy zańǵa qaıshy kez kelgen áreket úshin jaýapkershilik bar ekenin eskertedi.
