IQala qyzmetteri ortalyqtyń front-oflaın formatynda, sondaı-aq www.iqala.kz saıty arqyly onlaın usynylady.
Servısti sıfrlandyrýdyń arqasynda portaldyń kómegimen qyzmetterdi alýdyń tanymaldylyǵy aıtarlyqtaı ósti. Saıt arqyly alynatyn eń tanymal suraýlar – elektrmen jabdyqtaý, jylýmen jabdyqtaý, qatty turmystyq qaldyqtardy shyǵarý, sýmen jabdyqtaý jáne sý burý boıynsha sharttar jasasý.
Aıta keteıik, qajetti qyzmetterdi www.iqala.kz portaly arqyly aptanyń kez-kelgen kúninde, táýlik boıy alýǵa bolady. Ol úshin portalda ESQ arqyly tirkelý, sodan keıin qajetti uıymdy, odan ári qajetti qyzmetti tańdaý jetkilikti. О́tinishterdi óńdeý merzimi reglamenttelgen. Klıent ótinishiniń daıyndyǵy týraly uıaly telefon nómirine SMS-habarlama jiberiledi.
Qyzmet alý úshin elordalyqtar «bir tereze» qaǵıdaty boıynsha jumys isteıtin front-keńsege de júgine alady.
Búginde ortalyq elorda turǵyndaryna turǵyn úı-kommýnaldyq sektordyń 152 qyzmet túrin kórsetedi. Ortalyqtyń aldaǵy jospary – monopolısterdiń barlyq qyzmetin sıfrlandyrý, sıfrlandyrylǵan servıster tizimin keńeıtý, qyzmet kórsetý úshin bıznes-prosesterdi avtomattandyrý jáne qala turǵyndaryna qyzmet kórsetý sapasyn arttyrý.
Esterińizge sala keteıik, iQala qalalyq qyzmetter ortalyǵy elorda ákimdiginiń bastamasymen jáne QR Sybaılas jemqorlyqqa qarsy is-qımyl agenttiginiń qoldaýymen «Astana – adaldyq alańy» jobasy aıasynda quryldy. Ortalyqtyń jumysyn «Astana» ÁKK» AQ júzege asyrady.
