Oqıǵa 22 tamyz kúni Syrym aýdany Josaly aýyldyq okrýginiń ortalyǵy Qońyr aýylynyń shetinde oryn aldy.
Saǵat 05.59-da «Janǵoja-S» sharýa qojalyǵy aýmaǵynda 1 myń sharshy metrdi qamtyǵan úıýli turǵan 250 tonna pishen otqa orandy. Jalyn aýmaǵy 300 sharshy metr qora-qopsyny sharpyp úlgerdi. Zardap shekkender joq. Tilsiz jaý 19.11-de aýyzdyqtaldy.
20 tamyz kúni Oral qalasy 1-saıajaı qoǵamdastyǵyna qarasty «Avtomobılıst» saıajaı qoǵamy mańynda 20 gektar qurǵaq shóp pen 10 gektar orman órtendi. TJ departamenti (51 qyzmetker, 10 tehnıka), «Estoral» JShS (8 qyzmetker, 2 teplohod), orman sharýashylyǵy mekemesi (5 qyzmetker, 1 tehnıka) jáne «Jaıyq taza qala» JShS (2 qyzmetker, 2 tehnıka) kúshimen órt 21 tamyz kúni saǵat 00.53-te oqshaýlanyp, 22 tamyzda 09.28-de tolyqtaı joıyldy.
Dál sol kúni Báıterek aýdany Iаnaıkın aýylynan 15 shaqyrym jerde 60 gektar aýmaq (40 gektary – orman) órtendi. Jalyn TJ departamenti bastaǵan mekemeler kúshimen 21 tamyzda saǵat 12.01-de oqshaýlanyp, 22 tamyzda 20.08-de aýyzdyqtaldy.
Búgin saǵat 14.32-de Aqjaıyq aýdany Býdarın aýyldyq okrýginde shamamen 10 gektar qurǵaq shóp pen 4 gektar ormanda órt shyqty. Sondaı-aq, 22 tamyz kúni saǵat 19.51-de Báıterek aýdany Ozernyı aýyly mańynda qurǵaq shóp janyp, ormanǵa qaýip tóndirýde. Qazirgi ýaqytta oqıǵa órt sóndirýshiler jasaǵy eki órtti sóndirý ústinde.
