Eýropany tamsandyrǵan qoıylymdar – elorda tórinde

Qazaq opera jáne balet óne­ri­niń qarashańyraǵyna aınal­ǵan teatr ujymy astana­lyq­tarǵa al­matylyq jáne eýropalyq kórer­men­derdiń kóńilinen shyqqan spek­taklderdi tartý etpek. Sóı­­tip, qala turǵyndary men qo­naq­tary uly kompo­zı­tor­lar­dyń mýzykasymen órilgen biregeı qo­ıy­lymdardaǵy jańasha kór­kem­dik sheshimdegi klassıka-modern kezeńine saıahattaıdy.

Aıtalyq, óner saparynyń shymyldyǵy 26 tamyz kúni Gaetano Donısettıdiń «Don Paskýale» operasymen ashylady. Jańa qoıylym ıtalıandyq atmosfera men sony stıldiń tal­ǵampaz máni bar kúrdeli sse­no­grafııalyq sıýjet pen «ýa­qyt­tan ýaqytqa aýysatyn» qoz­ǵa­lystardy qamtyp, zamanaýı tehnologııany opera álemimen úı­lestiretin beıneproeksııalarmen tolyqtyrylǵan.

Al 27 tamyzda jurtshy­lyq­qa F.Shopenniń «Shopenıana», I.S.Bahtyń «Bah shyǵarma­shy­ly­ǵyn taný» jáne M.Raveldiń «Bolero» úsh aktili baleti usy­ny­lady.

Frıderık Shopenniń mýzykasyna qoıylǵan «Shopenıana» romantıkalyq balet klassıkasy sanalady. Bul týyndy arman men shyndyq arasyndaǵy máń­gi­lik qaqtyǵystar men ıdeal­dyqtyń jetispeýshiligi bar r­o­­mantızm dáýirine eliktep ja­­zylǵan. Al baletmeıster Gúljan Tútkibaeva plastıkalyq obraz­dardyń tili­men Shopenniń mý­zy­kasyna tán beı­nelerdi áser­li jetkizedi. Qo­ıylym balet ártis­teriniń «pa» bı qadamdary jáne jańa kostıýmder men de­ko­rasııalardyń ózgerisinen tu­rady.

Sondaı-aq neoklassıkalyq «Bah shyǵarmashylyǵyn taný» baleti – klassısızmniń derek­siz dekonstrýksııasy. Onda tyń­dar­man­dy alǵashqy notalardan mýzyka sulýlyǵymen baýrap, ishki álem keńistigine jeteleıdi.

Ispan ónerin jaqsy biletin Morıs Ravel «Bolero» bi­re­geı shyǵarmasyn jazýdy bas­­ta­ǵan­da, oǵan talantty bı­shi, orys baletiniń solısi Ida Rýbınshteın zor yqpal etken. О́z kezinde Rýbınshteın Parıjdegi «Grand Opera» sahnasynda ıspan kó­ri­nisinde horeografııalyq kompozısııa oryndaǵan. Sondyqtan ba­letmeıster Rıkardo Amaran­te­niń qoıylymyndaǵy «Bolero» áıel zatynyń minsiz sulýlyǵy men sezimtaldyǵyn jyrlaıdy. Munda klassıkalyq moderndi sah­nada bolyp jatqan ár kó­ri­nisten baıqaısyz, sonymen qatar bıshilerdiń qozǵalysy, de­korasııa men jaryqtyń túsýi kó­rermendi ásem kóńil kúıge bó­leıdi.