«2021 jyly Moldova Respýblıkasyna estelik vahtasyna barǵan «Maıdan joly» Pavlodar izdestirý zertteý jasaǵynyń izdeýshileri Qazaqstan tarıhyndaǵy alǵashqy qazaqstandyq izdeýshiler boldy», dedi jasaq komandıri Aleksandr Shıtov.
Onyń aıtýynsha, 2020 jyldyń ishinde reseılik tarıhı-patrıottyq klýbtyń, «Avgýst» izdeý jasaǵynyń arqasynda jáne Qazaqstannyń Kıshınev qalasyndaǵy elshiliginiń qoldaýymen Pavlodarlyq «Maıdan joly» izdeý jasaǵynyń komandıri kelissózderdi sátti ótkizdi. Nátıjesinde eske alý vahtasyn uıymdastyrý jónindegi joba maquldanyp, qoldaý tapty. Sonymen qatar, Moldova Respýblıkasynyń Novoanenskıı aýdanynyń aýmaǵynda dalalyq izdestirý jumystaryn júrgizýge resmı ruqsat alyndy.
«Moldovadaǵy sherpen memorıaly Reseıdegi Mamaev qorǵanyna jáne Belarýs Respýblıkasyndaǵy Brest qamalyna uqsas. Bul - qatygez, qandy shaıqastardyń orny, bul - soǵystyń betburys sátiniń bastaýy boldy», dedi spıker.
Demeýshilerdiń qarjylaı qoldaýynyń arqasynda Pavlodarlyq «Maıdan joly» izdestirý jasaǵy habar-osharsyz ketken jerlesterin izdeý jáne Uly Otan soǵysy jyldarynda qaza tapqan jaýyngerlerdi máńgi este qaldyrý úshin Moldova Respýblıkasyna attandy.
Eskertkishtiń dızaınyn «Maıdan joly» jasaǵynyń komandıri Shıtov Aleksandr daıyndady, al eskertkishtiń ózi Moldovada jasaldy. Joba Moldavııany fashızmnen azat etýdiń 77 jyldyǵy men Qazaqstan Táýelsizdiginiń 30 jyldyǵy aıasynda iske asyryldy.
