Mýzeıde soǵys jyldaryndaǵy eksponattar da bar. Sondaı-aq munda mýzykalyq aspaptar, telefon, fotoapparat, ydys, tipti oıynshyqtarǵa deıin qoıylǵan. Úı ishinen ashylǵan mýzeıde keńes zamanynda sánge aınalǵan ıissýlarǵa deıin saqtalǵan. «Kóne zattardy saqtaý arqyly biz ótken tarıhqa boılaımyz. Sol kezeńderdiń qundylyqtaryn eske túsiremiz. О́tken men búgindi salystyrýǵa yqpal etemiz», deıdi qala turǵyny Mıhaıl Platov. Sondaı-aq, mýzeı ıesi keıbir jádigerlerdi satyp alsa, keıbirin ózi taýyp alǵan. Arasynda syıǵa alǵandary da bar eken. «Munyń barlyǵy kishkene ǵana qasyq pen shanyshqydan bastalǵan. Sodan túrli kóne zattardy qoqysqa tastamaı, jınaı berdik. Keıinnen týystarymyz ben tanystarymyz kómektese bastady. Mýzeıdi aralaý tegin. Ásirese, jurtshylyq soǵys ýaqytynda qoldanylǵan zattardy erekshe qyzyǵýshylyqpen tamashalaıdy eken», deıdi qala turǵyny Svetlana Platova.
Munda mýzeı ıeleri úshin qundy dúnıe bolyp sanalatyn maıdan soldatynyń kúndeligi de bar eken. Platovtar aldaǵy ýaqytta mýzeı aýmaǵyn keńeıtýdi josparlap otyr. Al búginde shaǵyn bólmedegi mýzeıge jádigerlerdiń bir bóligi ǵana qoıylǵan.
Jambyl oblysy
