Aımaqtar • 25 Tamyz, 2021

Almaty áýejaıynda jańa termınal salynady

67 ret kórsetildi

Almaty halyqaralyq áýejaıynyń baspasóz qyzmeti TAV Airports jaqyn arada jańa halyqaralyq termınal qurylysyn bastaýdy josparlap otyrǵanyn málim etti, dep habarlaıdy Egemen.kz.

Almaty áýejaıynyń jolaýshylardy ótkizý múmkindigi qazir jylyna - 2,5 mıllıon adam. 2019 jyly 6,4 mıllıon adam áýejaı arqyly ótken. Baspasóz qyzmeti júktemeniń joǵary bolýy jolaýshylar aǵyny men kezektiń aralasýyna ákeletinin aıtty.

Halyqaralyq áýekóligi qaýymdastyǵynyń (IATA) masshtabyna sáıkes qazirgi ýaqytta Almaty áýejaıynyń qyzmeti qosalqy ońtaıly deńgeıge (Sub-Optimum) sáıkes keledi. Jańa termınal salynǵannan keıin 8 mıllıon jolaýshyǵa deıin ótkizý qabiletin arttyrý josparlanǵan.

«Bul rette servıs deńgeıin ońtaıly deńgeıge deıin kóterý josparlanǵan, bul álemniń iri áýejaılarynyń deńgeıine sáıkes keledi. Almaty toraptyq áýejaıǵa aınalady, bul saýda kóleminiń artýyna, bıznes pen týrızmniń keńeıýine ákeledi. Jańa halyqaralyq termınal jolaýshylardyń jaıly jáne qaýipsiz bolýyn qamtamasyz etedi. Ol keletin jáne ketetin jolaýshylardyń aǵynyn bólýge, joljúkti kútý ýaqytyn azaıtýǵa múmkindik beredi. Ǵımarattan ǵımaratqa shyǵýdyń qajeti joq, jańa jylytý, jeldetý jáne aýa baptaý júıeleri energııany únemdeýdi qamtamasyz etedi», dedi baspasóz qyzmetindegiler.

Termınal 1947 jyly ashylǵan áýejaıdyń tarıhı ǵımaraty - VIP-termınal ornynda salynady. Ony aýystyrý josparlanyp otyr. Áýejaıda ǵımarat sáýletine halyqaralyq jáne memlekettik saraptama júrgizilgen. Tasymaldaý kezinde eski ǵımarattyń sáýletin saqtaý josparlanǵan, mysaly, sándik dızaın elementteri bar ǵımarattyń qasbeti.

Baspasóz qyzmeti áýejaı ǵımaratyn alǵashqy qalpyna keltirý 1975 jyly júrgizilgenin aıtty. 2000 jyldan 2010 jylǵa deıin ǵımaratta jóndeý jumystary júrgizilgen, nátıjesinde eski áýejaıdyń alǵashqy kórinisi ózgergen.

Sońǵy jańalyqtar

Suıytylǵan gaz baǵasy óspeıdi

Qoǵam • Búgin, 18:21

Aldaǵy kúnderi aýa raıy qandaı bolady

Aýa raıy • Búgin, 18:00

Dollar arzandady

Qarjy • Búgin, 16:22

Shymkentte de LRT salynýy múmkin

Aımaqtar • Búgin, 12:50

Uqsas jańalyqtar