Anyqtalǵandaı, ol áriptesine «sońyna sybaılas jemqorlyqqa qarsy qyzmet ókilderi tústi» dep aldap, 5 mln teńge berse máseleni sheshetinin aıtqan. Sondaı-aq aldaǵy ýaqytta qamqor bolyp, qanatynyń astyna alatynyn jetkizgen. Alaıda áriptesi birden jemqorlyqpen kúres qyzmetine habarlasyp, mán-jaıdy túsindiredi. Sotta prokýrorlar alaıaqtyq áreket jasaǵan bólim basshysyn 6 jyl 6 aıǵa bas bostandyǵynan aıyrýdy surady. Biraq, sot 150 mln teńge aıyppul saldy. Ol endi ómir boıy memlekettik organdarda jumys isteı almaıdy.
«Sot qylmystyq istiń barlyq materıaldaryn zertteı kele onyń kámelet jasyna tolmaǵan tórt balasynyń bar ekenin eskere otyryp, 150 mln teńge kóleminde, aıyppul túrindegi jaza taǵaıyndady. Sondaı-aq sot bul somany óteý úshin oǵan úsh aıǵa deıin ýaqyt berdi», dedi Ál-Farabı aýdandyq sotynyń sýdıasy Sábıt Tórehanov.
