Almaty qalasynyń MAES baspasóz qyzmeti sotta Agenttik Basqarmasynyń 2021 jylǵy 24 maýsymdaǵy qaýlysy negizinde Qazaqstan Respýblıkasynyń zańnamasyn júıeli túrde (úsh jáne odan da kóp ret) buzǵany úshin bank 2021 jylǵy 25 maýsymnan bastap lısenzııasynan aıyrylǵany jóninde málimdedi.
«Atap aıtqanda, Qazaqstan Respýblıkasynyń Ulttyq Banki Basqarmasynyń «Prýdensıaldyq normatıvterdiń normatıvtik mánderi men esep aıyrysý ádistemelerin jáne saqtalýǵa mindetti ózge de normalar men lımıtterdi, bank kapıtalynyń mólsherin jáne ashyq valıýtalyq pozısııanyń esep aıyrysý erejeleri men lımıtterin belgileý týraly» qaýlysymen belgilengen prýdensıaldyq normatıvterdi buzý», dep habarlady Almaty qalasy MAES baspasóz qyzmeti.
Bank birneshe ret ákimshilik jaýapkershilikke tartylǵan.
Agenttik Basqarmasynyń 2021 jylǵy 14 maýsymdaǵy qaýlysymen Bank tólemge qabiletsiz bankter sanatyna jatqyzyldy.
Bankti taratý týraly sot sheshimi kúshine engennen keıin banktiń taratý komıssııasy banktiń isterin aıaqtaý jáne onyń kredıtorlarymen esep aıyrysýdy qamtamasyz etý úshin sharalar qabyldaıtyn bolady.
