Apat kem degende 2 200-den astam adamnyń ómirin qıyp, 6 900-den astam adam jaraqat alǵan. Zardap shekkender sany kún ótken saıyn artyp barady. Izdeý-qutqarý jumystaryn júrgizýge qatty jańbyrdan bolǵan selden joldardyń jabylyp qalǵandyǵy úlken kedergi keltirip otyr. Al eldegi aýrýhanalarda oryn joq. Dárigerlerdiń biri kereýetterdiń bos emes ekenin, al pasıentterdiń edende jatqanyn aıtty. Naýqastardy ózge tıisinshe jabdyqtalǵan mekemelerge evakýasııalamaıynsha, olardyń kem degende úshten biri aıaq-qolynan aıyrylýy nemese tipti tiri qalmaýy múmkin.
Sársenbide sóılegen sózinde Gaıtıdiń premer-mınıstri Arıel Genrı halyqty «Gaıtıdi qalpyna keltirý úshin birigýge» shaqyryp, úkimet zardap shekken aýdandarǵa kómektesýge daıyn ekenin aıtty. Shamamen 135 myń otbasyna zardabyn tıgizgen jerasty dúmpýleri saldarynan kem degende 75 myń úı qıraǵan.
