23 tamyzda 48 jastaǵy qala turǵyny Ońtústik-Shyǵys polısııa bólimine habarlasqan. Jábirlenýshi áıeldiń aıtýynsha, osy jyldyń aqpanynda múliktik kepildik arqyly nesıe alýǵa kómektesemin degen jeleýmen belgisiz bireý 4 mıllıon teńgege jýyq qarajatty ıemdenip alǵan. Belgisiz er adam bankte jábirlenýshige kelip, kepildik arqyly úlken mólsherde nesıeni qalaı durys rásimdeý kerektigin túsindirgen. Jábirlenýshi áıel alaıaqtyń aldaýyna senip qalyp, tórt mıllıonǵa jýyq aqshany bere salǵan.
Alaıaqtyqtyń áreketteriniń sıpattamasyna sáıkes, polısııa jábirlenýshi áıeldi alaıaqtyq faktisi boıynsha qylmystyq is qaralyp jatqan tergeýshige apardy. Tergeý jumystarymen jáne foto arqyly jábirlenýshi 27 jastaǵy qala turǵynyn, ıaǵnı alaıaqtyq istegen er adamdy tanydy.
Qazirgi ýaqytta Qazaqstan Respýblıkasy Qylmystyq kodeksiniń 190-baby 3-bóligi boıynsha sotqa deıingi tergeý jalǵasýda. Sonymen qatar kúdiktiniń osyǵan uqsas 23 qylmys faktisi dáleldendi.
