Aqmola oblysynyń polıseıleri adamnyń joǵalýyna qatysy bar Atbasar qalasynyń eki turǵynyn ustady.
«Qylmyskerlerdiń qurbany – 33 jastaǵy jergilikti turǵyn. Ol 25 tamyzda saǵat 04.00-de Atbasar aýdandyq aýrýhanasyna jabyq bas súıek-mı jaraqatymen jáne bas mıynyń shaıqalýymen tústi. Sol túni qylmyskerler jábirlenýshini jabyq garajda ustap, dene jaraqatyn tıgizgeni aldyn-ala anyqtaldy. Tergeý sharalary barysynda barlyǵy jeke dushpandyqqa baılanysty bolǵany anyqtaldy», delingen habarlamada.
Atbasar APB krımınaldyq polısııa bóliminiń qyzmetkerleri qaskúnemderdi «izin sýytpaı» ustady. Kúdiktiler - Atbasardyń eki turǵyny, buryn bopsalaý men urlyq jasap sotty bolǵan.
Atalǵan derekke baılanysty QR QK-niń 125-babynyń 2-bóligi «Adamdy urlaý» boıynsha sotqa deıingi is júrgizý bastaldy. Kúdiktiler ýaqytsha ustaý ızolıatoryna qamalyp, tergeý amaldary júrgizilýde.
