Energokeshenniń ashylýyna qala ákimi Murat Áıtenov qatysyp, buqaralyq aqparat quraldary ókilderine nysannyń strategııalyq mańyzy jóninde maǵlumat berdi.
Qurylystyń sońǵy satysynda keshenge elektr qýaty berilip, 72 saǵattyq merzimde tehnıkalyq synaq jumystary júrgizilip, sátti ótken.
«Bozaryq» qosalqy elektr stansııasy negizgi keshen sanalady. Ol qýaty 110/35/10 kV bolatyn 5 qosalqy elektr stansııalarynyń qosylý kózi. Osy keshennen qýat alatyn «Nursát», «Astana-1», «Astana-2» qosalqy stansııalarynyń qurylystary aıaqtalǵan. «1-M-1» stansııasynyń qurylysy jalǵasyp jatsa, «Yntymaq» qosalqy stansııasynyń joba-smetalyq qujatyn ázirleýge tapsyrys berilgen.
Keshenniń iske qosylýymen Asar-2, Turan, Yntymaq-2, Soltústik saıajaı, Batys, Bozaryq, Qaınarbulaq, Shymkentsıtı, Dostyq, Nursát shaǵyn aýdandarynda elektr qýatynyń sapasy artady.
«Memleket basshysynyń tapsyrmasy boıynsha salynǵan bul keshen 250 myńnan astam halyqty sapaly elektr energııasymen qamtıtyn bolady. Qalamyz iri óndiristik ortalyq retinde qalyptasyp otyr. «Bozaryq» elektr stansııasy strategııalyq nysan retinde shahardaǵy elektr qýatynyń jetispeýshiligin sheshedi», dedi M.Áıtenov.
«Bozaryq» qosalqy elektr stansııasy qalanyń qurylysy qarqyn alǵan soltústik bóligin elektr qýatymen qamtamasyz etedi. Munda jańa shaǵyn aýdandar boı kóterip, jańa óndiristik aımaqtyń irgesi qalanǵan», dep habarlaıdy qalasy ákimdiginiń baspasóz qyzmeti.
