Qyzmetterdiń jartysyna jýyǵy (46%) 1 jasqa deıingi bala kútimine baılanysty tabysynan aıyrylǵan jaǵdaıda tólenetin áleýmettik tólemderdi taǵaıyndaý boıynsha boldy.
Sondaı-aq, birinshi jartyjyldyqta eńbek etý qabiletinen aıyrylýyna baılanysty áleýmettik tólemder boıynsha 14 375 qyzmet jáne jumysynan aıyrylý boıynsha 53 936 qyzmet kórsetildi.
Bul rette eńbek etý qabiletinen aıyrylý jaǵdaılaryna tólenetin áleýmettik tólemder boıynsha qyzmetterdiń 42,7%-y jáne jumysynan aıyrylý boıynsha 49%-y kompozıttik formatta kórsetilgen, ıaǵnı tólemderdi taǵaıyndaýǵa ótinish medısınalyq-áleýmettik saraptama bólimderi jalpy eńbek etý qabiletinen aıyrylý dárejesin belgilegennen keıin ne Mindetti áleýmettik saqtandyrý júıesine qatysýshy Halyqty jumyspen qamtý ortalyǵynda jumyssyz retinde tirkelgennen keıin MÁSQ-ǵa avtomatty túrde jiberiledi.
Búgingi kúni sıfrlyq tehnologııalardyń damýymen qyzmet alýdyń neǵurlym yńǵaıly tásili azamattan ótinish talap etilmeıtin proaktıvti formatta áleýmettik tólemderdi taǵaıyndaý bolyp tabylady.
Qyzmetti proaktıvti formatta alý úshin alýshy qandaı da bir qyzmetti resimdeý týraly kelgen sms-habarlamaǵa jaýap berýi qajet. Aǵymdaǵy jyldyń birinshi jartyjyldyǵynda MÁSQ 49,8 myń proaktıvti qyzmet kórsetti.
Budan basqa, elektrondyq sıfrlyq qoltańba bolǵan kezde mindetti áleýmettik saqtandyrý júıesine qatysýshylar MÁSQ-tan áleýmettik tólemdi taǵaıyndaý úshin egov.kz portal arqyly júgine alady. 2021 jyldyń I jartyjyldyǵynda Elektrondyq úkimet portaly arqyly 48,3 myń qyzmet kórsetildi.
Sondaı-aq, 2021 jyly QR Eńbek jáne halyqty áleýmettik qorǵaý mınıstrligi jumyssyzdardy tirkeý rásimderin jeńildetý jáne jumysynan aıyrylý boıynsha áleýmettik tólem taǵaıyndaý boıynsha memlekettik qyzmetterdi alýdy jeńildetý úshin Elektrondyq eńbek bırjasy arqyly halyqty jumyspen qamtý ortalyqtaryna qyzmet kórsetý boıynsha jobany iske qosty. Enbek.kz portaly arqyly barlyǵy 8,6 myń adamǵa tólemder taǵaıyndaldy.
Áleýmettik táýekelder týyndaǵan kezge áleýmettik tólemderdiń mólsheri qorǵa túsken áleýmettik aýdarymdardyń somasyna tikeleı baılanysty bolady. Osyǵan baılanysty MÁSQ mindetti áleýmettik saqtandyrý júıesine qatysýshylarǵa tólengen áleýmettik aýdarymdardy egov.kz portaly arqyly turaqty negizde qadaǵalap otyrýdy usynady.
