Bul týraly Gulf Today basylymy málimdedi.
Buǵan deıin BAÁ 30 tamyzdan bastap Dúnıejúzilik Densaýlyq saqtaý uıymynyń koronavırýsqa qarsy maquldaǵan vaksınany saldyrtqan elderdiń azamattaryna týrıstik vızany qaıta beretinin jarııa etken bolatyn.
Bul sheshim buǵan deıin Ámirlikterge kirýge tyıym salynǵan elderge taralady. Endi bul elderdiń azamattary áýejaıda mindetti túrde PTR-test tapsyrýy tıis bolady. Vaksına saldyrtpaǵan elderdiń azamattar tobyna qatysty buǵan deıin engizilgen erejeler óz kúshinde qalady.
PTR-test tapsyrý mindetti, alaıda vaksına alǵan azamattar birqatar jeńildikter alady. Elde qytaılyq Sinopharm korporasııasy men amerıkandyq Pfizer kompanııasynyń nemistiń BioNTech seriktesimen birlesip shyǵarǵan vaksınalary, sondaı-aq DDSU áli maquldamaǵan reseılik «Spýtnık V» vaksınalary qoljetimdi.
Qazirgi kezde BAÁ-da koronavırýs juqtyrǵandar sany táýligine myń adamǵa jetip otyr.
