Almatyda zorlyq-zombylyqtan zardap shekken áıelderge kómek kórsetiletin «Jan Saıa» daǵdarys ortalyǵy jumys isteıdi. 2017 jyly ashylǵan ortalyqqa bıyl 75 áıel men 157 bala ótinish bergen.
«Munda zardap shekkenderge baspana, quqyqtyq, psıhologııalyq jáne áleýmettik qoldaý kórsetiledi. Ortalyq qabyrǵalarynda balalarǵa arnalǵan túrli is-sharalar ótkiziledi. Sondaı-aq qalada turǵylyqty jeri joq adamdar úshin qurylǵan «Pana» áleýmettik qyzmet kórsetý ortalyǵy jumys isteıdi. Jyl basynan beri 466 adamǵa áleýmettik kómek kórsetildi, olardyń barlyǵy ýaqytsha turǵyn úımen qamtamasyz etildi», dep túsindirdi basqarma basshysy.
Ortalyq mamandary zardap shekkenderdiń qujattaryn qalpyna keltirýge kómektesedi.
«Almatyda jalǵyzbasty zeınetkerler, múgedekter, zeınetkerlik jastaǵy erli-zaıyptylar úshin elimizdegi erekshe «Qamqor» áleýmettik úıi jumys isteıdi. Búgingi tańda 50 adam áleýmettik úıdi pana etýde. Týystarynyń qaraýynsyz qalǵan turǵyndar páterlerin memleket menshigine ótkizip, osy úıge kóshe alady», dedi Nazıra Toǵyzbaeva.
