Aımaqtar • 01 Qyrkúıek, 2021

Joǵalǵandardy izdeý jalǵastyrylyp jatyr

46 ret kórsetildi

О́tken aptada Jambyl oblysynyń Baızaq aýdanynda ornalasqan áskerı qoımada bolǵan jarylysqa baılanysty Memleket basshysy Qasym-Jomart Toqaevtyń shuǵyl tapsyrmasymen qurylǵan Úkimettik komıssııa óńirge kelip, oqıǵanyń zardaptaryn joıý maqsatynda tıisti jumystar atqarý ústinde. Búginde mundaǵy ınjenerlik oq-dáriler qoımasynyń aýmaǵy tazartylyp jatyr.

Sonymen qatar Qorǵanys mı­nıstr­­liginiń ókilderi qaza tapqan áskerı qyzmetshilerdiń otbasy­lary­men jumys júrgizýde. Bas shtab bastyǵynyń orynbasary – tár­bıe jáne ıdeologııalyq jumys­tar departamentiniń bastyǵy general-maıor Serik Borambaevtyń aı­týynsha, qaza bolǵan áskerı qyz­met­shilerdiń otbasylaryna jáne emdeý oryndarynda jatqan áskerı qyz­metshilerge kómek kórsetý maq­satynda mobıldi toptar qurylyp,  áleýmettik, psıhologııalyq jáne mate­rıaldyq kómek kórsetý jumys­tary uıymdastyrylǵan. Qaza tap­qan áskerı qyzmetshilerdiń jáne Tóten­she jaǵdaılar mınıstr­ligi qyz­met­kerleriniń otbasylaryna erikti qarjylaı kómek kórsetý úshin qor qurylǵan. Sondaı-aq Serik Boram­baev Qarýly Kúshterdiń jeke quramy bir kúndik jalaqyny qorǵa aýdarý týraly sheshim qabyldap,  Qor­ǵanys mınıstrligi balalardy óz qamqorlyǵyna alǵanyn, bul jumys odan ári únemi júrgiziletinin  jetkiz­di. Sonymen qatar Qarýly Kúshter kásipodaǵynyń qyzmetkerleri  mar­qum Orazbek Dálibaevtyń otbasyna qarjylaı kómek kórsetken.

Búginde Baızaq aýdanynda oryn alǵan oqıǵaǵa baılanysty qu­­ryl­ǵan ob­lystyq jedel shtab­tyń da ju­­my­sy jalǵasýda. Shtab mú­she­­leri ǵy­lymı-zertteý qyzmet­ker­­leri­men birge atalǵan aýdanǵa qaras­­ty 3 el­di mekendegi turǵyn úı­ler men áleý­met­tik nysandardy túgel­deı zertte­gen. Qazirgi tańda jóndeý­di qajet ete­tin 118 jyljymaı­tyn múlik anyq­tal­ǵan. Onyń ishinde 106  turǵyn úı bolsa, 12-si – kommersııalyq nysan.

Jambyl oblysynyń ákimi Berdibek Saparbaev anyqtalǵan 106 turǵyn úıdiń 35-i kúrdeli jóndeýden ótetinin, qalǵan 71 úıdiń qalpyna keltiriletinin aıtty. Barlyq jumysqa Úkimet tarapynan bólinetin qarjy jáne jergilikti bıýdjet pen óńirdegi demeýshilerdiń qarajaty jumsalady. Eki aıdyń ishinde barlyq úı qalpyna keltiriletin bolady.

«Áleýmettik nysandarǵa toqtal­saq, 3 mektepke zaqym kelgen. Ásirese, qatty zardap shekkeni – Jibek Joly  aýylyndaǵy bilim oshaǵy. 118 bala oqıtyn bilim mekemesiniń irgesi 1956 jyly qalanǵan. Eski mek­tep­tiń ornyna jańa ǵımarat salý­ǵa sheshim qabyldandy. Aýyl halqy sanynyń ósimi eskerilip, Úkimet­ke 150 oryndyq jańa mektep­tiń qu­ry­lysy boıynsha usy­nys jol­daı­myz. Salynatyn jer belgi­lendi, qu­­jat­tary barynsha qys­qa ýa­qyt­ta da­ıyn­dalady. Jeńil zaqym­­dan­ǵan Úshbulaq pen Bazar­baı aýyl­daryn­daǵy mektepter demeýshi­ler ese­binen qalypqa keltirilýde. Olar 1 qyrkúıekke deıin daıyn bola­dy. Dál sondaı bir medı­sı­na­­lyq pýnkt te bir apta ishinde toly­ǵy­men jóndeledi», dedi Berdibek Saparbaev.

Búginde óńirdegi temir joldar, avtojoldar qalypty rejimge kósh­ken. Turǵyndardyń barlyǵy úı­lerine oralǵan. Al úıleri kúrdeli jóndeýden ótetin Qaınar aýylynyń turǵyndary ýaqytsha baspanamen, azyq-túlikpen qamtamasyz etilýde.

 О́kinishke qaraı, osy kúnge deıin Jambyl oblysynda oryn alǵan jarylys saldarynan qaza bolǵandar sany 15-ke jetti. Túr-túsi tanýǵa kel­meıtin 3 máıittiń synama úlgileri Shym­kent qalasyndaǵy zerthanada tal­danyp, qorytyndysy seısenbi kúni ta­ńerteń týystaryna aıtyldy. So­nymen qatar qazirgi tańda Taraz qa­lalyq ortalyq aýrýhanasynda 28 naýqas em alýda. Onyń ishinde 4 aza­mattyń jaǵdaıy ortasha aýyr. Olar­ǵa barlyq medısınalyq kómek kór­setilýde. Dári-dármekpen, basqa da qa­jet­tiliktermen qamtamasyz etilgen.

Jalpy, túrli deńgeıde jaraqat alǵan 98 adamnyń ishinde qarapaıym turǵyndar joq. Olardyń barlyǵy da áskerıler men tótenshe jaǵdaı salasynyń qyzmetkerleri. Qazirgi tańda ózge de habarsyz ketkender izdestirilýde. Joǵalǵandardy izdeý ju­mystaryna áskerıler, tótenshe jaǵdaı departamentiniń mamandary, kınologtar, qyzmettik ıtter men atty adamdar jumyldyrylǵan. Arnaıy dron qurylǵysynyń múmkindigi de barynsha paıdalanylýda. Qazirgi tańda 180 adam men 40 shaqty tehnıka jumys atqarýda.

 

Jambyl oblysy

 

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar