«Shıkizatqa qol jetkizý máselesi kún tártibinde. Qarapaıym erejeni engizý qajet: otandyq ónerkásip úshin shıkizat taýarlarynyń baǵasy qoljetimdi, al kólemi jetkilikti bolýy kerek. Jyl sońyna deıin Úkimet bul mindetti sheshýdiń ońtaıly nusqasyn tabýy tıis. Bul rette bizdiń elimizdiń resýrstyq áleýeti tolyq ashylmaǵanyn, geologııalyq zerttelýi tómen deńgeıde qalyp otyrǵanyn eskerý qajet. Investorlardyń geologııalyq aqparatqa qoljetimdiligin keńeıtý qajet. Ol úshin bytyrańqy vedomstvolyq uıymdardyń bazasynda tıimdi, Ulttyq geologııalyq qyzmet qurý kerek», - dedi Toqaev osy Joldaýynda.
Prezıdent atap ketkendeı, bul uıym, kimge jáne jer qoınaýyna qalaı jol berý kerektigin sheshetin monopolıst bolmaýy kerek.
«Jer qoınaýyn paıdalaný salasy geologııalyq barlaý jáne jer qoınaýyn keshendi zertteý turǵysynan jańa serpinge muqtaj», - dedi Memleket basshysy.
