1 qyrkúıekten bastap oqýshylar dástúrli oqytý formatyna kóshedi. Osyǵan baılanysty qoǵamdyq kólik paıdalanýshylarynan eger balalar adasyp ketken bolsa, olarǵa avtobýstarda kómek kórsetýdi nemese qajetti aıaldama pýnktine qalaı jetýge bolatynyn aıtyp, jón silteýin suraıdy.
Júrgizýshiler nemese baqylaýshylar tarapynan balalarǵa dórekilik tanytqanyn baıqaǵan kýágerler bul oqıǵa týraly CTS kompanııasyna áleýmettik jeliler (cts_kz instagram platformasynda) arqyly habarlaı alady nemese shaǵymdy Ikomek qyzmetine 109 nómiri boıynsha qaldyra alady.
Aıta ketý kerek, qoǵamdyq kólikte balalar úshin jol júrý tegin bolsa da, avtobýstarda valıdasııa mindetti bolyp sanalady. Bul saparlardyń korrespondensııasyn taldaý úshin qajet. Osylaısha, jeńildetilgen jol júrý engizilgen sátten bastap balalar shamamen 14 mıllıon 800 myń sapar jasady. 56 myń mektepke arnalǵan kólik kartasy shyǵaryldy.
Mektepke arnalǵan kólik kartasyn qalaı alýǵa bolady? Kólik kartasyn alý úshin kámeletke tolmaǵan balalardyń ata-analary nemese zańdy ókilderi Qoshqarbaev dańǵyly, 50/1 mekenjaıy boıynsha ornalasqan ortalyq kassaǵa rastaýshy qujattarmen nemese transcard.kz saıtynda qajetti skanerlengen qujattardyń kóshirmelerin tirkeı otyryp, onlaın-ótinim berýi qajet. Jeke kýáligi bar 16 jastan asqan jolaýshylar muny ózderi jasaı alady. Rásimdeý úshin ata-analardyń biriniń jeke kýáligi, JSN (jeke kýáligi) bar týý týraly kýálik, mektepten anyqtama jáne 3h4 bir foto qajet. Mektepke arnalǵan kólik kartasyn alǵash ret satyp alý somasy 500 tg quraıdy. Qaıta shyǵarý – 1000 teńge.
Esterińizge sala keteıik, mamandandyrylǵan kólik kartasy alǵashqy valıdasııa sátinen bastap 5 jyl boıy jumys isteıdi. Qoǵamdyq kólikte saparǵa shyqpas buryn balaǵa ne bilý kerek? Avtobýsqa otyryp, eń aldymen, bala óziniń baǵyty men aıaldamasyn jaqsy bilýi kerek. Avtobýsqa otyrǵyzý kezinde joldyń shetine jaqyn turý qaýipti ekenin este ustaǵan jón. Tutqalardy ustaýdy umytpańyz, eger boıy jetpese, tik tutqalardy myqtap ustap, avtobýs baǵyty boıynsha turyńyz.
Jas jolaýshy rıýkzakty túsirip, ony qolyna alýy kerek. Jolda siz ózińizdiń aıaldamańyzdy jiberip almaý úshin uıaly telefonǵa alańdamaýyńyz nemese kitap oqymaýyńyz kerek. Sapar kezinde bala avtobýs tolyq toqtaǵannan keıin ǵana minip, túsýi kerek ekenin bilýi qajet. Sonymen qatar, avtobýstarda maska rejımin qatań saqtaý kerek ekenin umytpańyz.
Aıta ketý kerek, elordalyq 848 avtobýsta erekshe qajettilikteri bar adamdardy yńǵaıly tasymaldaý úshin jaǵdaı jasalǵan. Barlyq osy sıpattamalar múmkindigi shekteýli jandar qozǵalysyna arnalǵan.
Onyń ishinde:
- dybystyq jáne kórneki aqparattyq tablo;
- burylýǵa arnalǵan bos oryn;
- júrgizýshini shaqyrý túımesi;
- pandýs;
- búıir qabyrǵalary boıymen kóldeneń tutqalar.
Avtobýs júrgizýshisi bordıýrǵa jaqyndap toqtaýy tıis. Osydan keıin júrgizýshi pandýsty túsirip, jolaýshyǵa avtobýsqa minýine kómektesýi kerek. Eger jıektiń bıiktigi avtobýstyń tabaldyryǵyna sáıkes kelse, arbany pandýssyz kirgizýge bolady.
Osylaısha, erekshe qajettilikteri bar jolaýshy qoǵamdyq kólikti kedergisiz paıdalana alady.
