Rýhanııat • 01 Qyrkúıek, 2021

«Balapan» telearnasy kúzgi maýsymda 13 jańa joba usynady

179 ret kórsetildi

«Balapan» telearnasy 6 qyrkúıek kúni jańa televızııalyq maýsymyn túrli janrdaǵy 13 jańa týyndymen ashady. Efırden trendtegi mýltkeıipkerler negizinde jasalǵan jańa qaharmandardy, Live formatyndaǵy realıtı shoýlar men telehıkaıa kórýge bolady. 13 jobanyń – 10-y anımasııalyq hıkaıa, 2-i baǵdarlama, 1-i telehıkaıa, dep habarlaıdy Egemen.kz QR Aqparat jáne qoǵamdyq damý mınıstrliginiń resmı saıtyna silteme jasap.

Atap aıtar bolsaq, «Úzdik qoıylym» telehıkaıasy eńbek pen birlikke shaqyrady, al «Tolaǵaı» baǵdarlamasy saıys jaǵdaıynda otbasyn biriktiredi. «Kitap qananyń» ár shyǵarylymynda qazaq balalar ádebıetinen bir shyǵarma mazmundalady. «Marjan tis» 3D anımasııalyq fılmi aýyz gıgıenasynyń mańyzdylyǵyn úıretse, «Kóńildi kókónister»(3D) dárýmenderdiń bala aǵzasyna paıdasy týraly ózderi aıtady. Al «Ǵaryshker bala Jigerden»(2D) talapty balaqaıdy tanıdy. «Sultan Beıbarys» pen «Qaharman» mýltfılmderinen baıyrǵy dáýirge saıahattasa, «Ásem áýen» men «Kúı qanatynda» atty 3D formatyndaǵy mýltfılmderinen mýzykadan habardar bolady.

Álemdik trend – transformer taqyrybynda «Transformer Tulpar» atty mýlthıkaıa usynylmaq. Sonymen qatar, arnadan shytyrman oqıǵaǵa toly «Sarbazdar»(3D) jáne jańa tehnologııalarmen tanystyratyn «Bilgishbekter» mýltıplıkasııalyq serıalyn kórýge bolady.  

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar