«Memleket basshysy Qazaqstan halqyna Joldaýy aıasynda joǵary sapaly ekonomıkalyq ósýdi qamtamasyz etý men halyqtyń turmysyn jaqsartý boıynsha naqty mindetter qoıdy», dedi Áset Erǵalıev Úkimet otyrysy barysynda.
Mınıstr Joldaý aıasynda barlyǵy 70-ke jýyq tapsyrma berilgenin atap ótti.
«Qabyldanatyn alty zań bar. Bul stressti aktıvterdi ekonomıkalyq aınalymǵa qaıtarý týraly, jeke qosalqy sharýashylyqtar týraly, aglomerasııalardy damytý týraly, ǵylymdy damytý týraly, kásibı biliktilik týraly zańdar. Salyq jáne bıýdjet kodeksterine de ózgerister engizemiz», dedi QR UEM basshysy.
Bul rette memlekettik qarjyny basqarý tujyrymdamasy, kóshi-qon saıasaty, sondaı-aq otbasylyq jáne genderlik saıasat týraly úsh tujyrymdamany bekitý josparlanǵan.
Áset Erǵalıevtiń aıtýynsha, ár aımaq úshin ınfraqurylymdy damytý baǵdarlamasy ázirlenetin bolady.
