Jyl basynan beri otandyq kásipkerler 67 166 tonna qaıtalama shıkizatty jınap, kádege jaratýǵa jiberdi. Onyń ishinde 51 287 tonna makýlatýra, 5 307 tonna plastık jáne 10 572 tonna shyny qaptama qaldyqtary bar.
«EcoQolday» júıesinde barlyǵy 4130 ótinim pysyqtaldy. Nátıjesinde jyl basynan beri qaptama qaldyǵyn jınaýshylarǵa berilgen ótemaqy mólsheri - 1, 507 mlrd teńgeni qurady. Al kádege jaratý zaýyttaryna 152,6 mln teńge, tasymaldaýdy sýbsıdııalaýǵa – 365 mln teńge berildi. Qaıta óńdeý salasyndaǵy ósý úrdisi negizinen «EcoQolday» sıfrly júıesin iske qosylǵandyǵymen tikeleı baılanysty. Sonyń nátıjesinde qaıtalama shıkizatty jınaý tarıfteri kóterilip, tasymaldaý shyǵyndaryn ishinara óteý múmkindigi paıda boldy.
Qazirgi ýaqytta «EcoQolday» júıesinde 670 qatysýshy tirkelip otyr. Onyń ishinde qaptama qaldyqtardy jınaýdy júzege asyratyn 158 kásipker, 481 tasymaldaýshy jáne 31 qaıtalama shıkizatty kádege jaratýshy uıym jumys isteýde.
2021 jyly 230 myń tonna kóleminde qaıtalama shıkizatty jınaý, qaıta óńdeý, tasymaldaý jáne kádege jaratý jospary bar. Osy jumystardy júzege asyrýǵa О́KM Operatory bıyl 13 mlrd teńge qarjy qarastyrǵan.
El ishinde makýlatýra, plastık jáne shyny qaptama qaldyqtaryn jınaý kólemin arttyrý maqsatynda О́KM Operatory «EcoQolday HOME» jobasyn iske qosty. Kóp páterli turǵyn úılerdiń nemese jeke sektordyń turǵyndary PIK/PIB (ksk/osı) arqyly jınalǵan shıkizatty satýdy júzege asyra alady. Qaldyqtardy saýdalaýdan túsken qarajatty turǵyn úı keshenin jóndeýge nemese aýlany abattandyrýǵa baǵyttaýǵa bolady.
О́KM Operatory óńirlerde QTQ bólek jınaý ınfraqurylymyn damytý jáne el ishinde qaıtalama shıkizatty qabyldaý beketterin kóbeıtý jospary bar. Aıta ketý kerek 31 tamyzda Semeı qalasynda alǵashqy qaldyqty aqshaǵa qabyldaıtyn beketteri iske qosyldy. Endi kezekte О́skemen, Aqtóbe jáne Qaraǵandy oblystary tur.
