Bul týraly Ulttyq statıstıka bıýrosy málimdedi.
Vedomstvo ókilderi ulttyq halyq sanaǵy 1 qyrkúıekte bastalǵanyn eske saldy. Sońǵy málimetter boıynsha, sanaq.gov.kz saıtynda 28 382 adam saýalnamaǵa jaýap berdi. Taǵy 3528 qazaqstandyq egov portalyndaǵy saıt siltemesin paıdalanǵan. Al 512 adam sanaq suraqtaryna Aitu qosymshasy arqyly jaýap berdi.
«Adamdarda onlaın-saýalnamadan ótý rásimine qatysty birqatar suraqtar týyndady. Atap aıtqanda, keıbireýler turaqty meken-jaıyn toltyrý kezinde qıyndyqtarǵa tap boldy. Suhbatker kóshe ataýynyń alǵashqy áripterin engizýi kerek, sodan keıin júıe avtomat túrde uqsas nusqalardy shyǵarady.
Birinshi áreketten qajetti mekenjaı tabylmasa, qazaq jáne orys tilderinde túrli nusqada terip kórý qajet. Mysaly, Nur-Sultan qalasyndaǵy Jeńis kóshesi. Eger adam Jeńis dep terse, júıe qajetti mekenjaıdy shyǵarmaıdy. Sebebi kóshe ataýynda qazaq tiline ǵana tán árip bar. Aıta keteıik, turǵylyqty mekenjaıdy toltyrǵanda, kóshe ataýynyń Mekenjaı tirkeliminde qalaı kórsetilgenin eskerý qajet», dedi bıýronyń baspasóz qyzmetindegiler.
Ulttyq statıstıka bıýrosy adamdardy sanaqqa onlaın rejıminde qatysýǵa shaqyrady. Sanaq.gov.kz saıty 15 qazanǵa deıin táýligine 24 saǵat qoljetimdi. Barlyq suraq boıynsha Call-ortalyqqa 1446 nómiri boıynsha habarlasýǵa bolady (qońyraý shalý tegin).
