Aımaqtar • 03 Qyrkúıek, 2021

Oraldyq ata-analar balalaryn mektepke jiberýge narazy

16 ret kórsetildi

Oraldyq ata-analar balalaryn mektepke jibermeı otyr. Olar sanatorııalyq bilim oshaǵyna aýysýǵa narazy. Ata-analardyń aıtýynsha, onda týberkýlezge shaldyqqandarmen baılanysta bolǵan balalar bilim alypty, dep habarlaıdy Egemen.kz.

Bul týraly «Astana» telearnasy málimdedi.

Ata-analar balalaryn burynǵy mektepke qaıtarýdy talap etýde. О́ıtkeni bul ǵımaratta buǵan deıin týberkýlezben aýyrǵan naýqastardyń balalary bilim alǵan. Jaýaptylar bıyl olardy úılerine qaıtaryp, 20-shy mekteptiń myńǵa jýyq oqýshysyn qabyldady. Ata-analar, bilim basqarmasynyń sheshimin quptamaıdy. 

«Meniń bilýimshe, Koh taıaqshasy jer betinde 40 jyl tirshilik etedi. Buryn osynda oqyǵan balalar jyl saıyn em qabyldady. Ǵımarattyń edenine aǵash tóselgen, lınoleými de eski. Oıyn balasy júgirmeı turmaıdy. Sol kezde shań kóterilip, aýrý qos ókpeden qysa ma dep qorqamyz», deıdi qala turǵyny Larısa Nızovseva.  

Ata-analardyń balalaryn mektepke jibermeýine osyndaı kúdik sebep bolyp otyr. Qazir olar  ǵımaratqa zararsyzdandyrý jumystaryn júrgizip, kúrdeli jóndeý jumystaryn talap etip, jaýapty oryndardyń tabaldyryǵyn tozdyryp júr.

Oral qalalyq bilim berý bóliminiń basshysy Aqjarqyn Temirhanova ol mektepte týberkýlezben aýyrǵan balalar bolmaǵanyn aıtady. Jáne mektepte týberkýlezben aýyrǵan balalar bilim alyp, ınfeksııa edende qalatyn bolsa, oblystyq sanepıdemıologııalyq, oblystyq týbdıspanser munda mektepti kóshirýge ruqsat bermes edi.

«Olar ózderi jaýapkershilikti alyp, bizge ruqsatyn berip otyr. Bilim berý bóliminiń dereginshe, balasyn mektepke jibermeı otyrǵan ata-ana sany saýsaqpen sanarlyq qana. Olarmen endi túsindirý jumystaryn júrgizip kórmekshi. Oqý jyly bastalyp ketse de, máseleniń qalaı sheshileri ázirge beımálim», deıdi ol.

 

Sońǵy jańalyqtar

Tarazda Qonaev eskertkishi boı kóterdi

Aımaqtar • Búgin, 12:50

Qazaqstanda qansha adam vaksına aldy

Koronavırýs • Búgin, 10:42

Elimizde 1452 adamnan koronavırýs anyqtaldy

Koronavırýs • Búgin, 09:05

Uqsas jańalyqtar