Malysheva koronavırýstyq ınfeksııany emdeý standarttary AQSh ulttyq densaýlyq ınstıtýtynyń saıtynda jazylǵanyn atap ótti.
«Biz – dárigerler kóbine amerıkalyq standarttarǵa nazar aýdaramyz, óıtkeni olar dáleldi medısınaǵa óte baıypty qaraıdy», dedi doktor.
Onyń aıtýynsha, KVI juqtyrǵan naýqastardy emdeýge arnalǵan negizgi preparattar – antıkoagýlıanttar. О́tken jylǵy zertteýler naýqastardyń ólimi antıkoagýlıanttar engizile bastaǵannan keıin azaıǵanyn kórsetken. Alaıda, olardy maman taǵaıyndaǵannan keıin ǵana qabyldaýǵa bolatynyn eskergen jón.
«Búgingi tańda antıkoagýlıanttar koronavırýsty emdeýdiń ajyramas bóligi bolyp tabylady. Antıkoagýlıanttar boıynsha bizde eki negizgi dári bar: bul Ksarelto jáne Elıkvıs. Negizgi ıneksııalyq preparat – «Kleksan», dedi Malysheva.
Dáriger COVID-19 tıimdi emdeýdiń ekinshi preparatyn «Deksametazon» ekenin aıtty. Ony ambýlatorııalyq negizde taǵaıyndaýǵa tyıym salynady. Sonymen qatar, Malysheva ony dárigerdiń nusqaýynsyz qabyldaýǵa keńes bermeıdi. Onyń aıtýynsha, preparat tek aýrýhanalarda taǵaıyndalady: ol ólimdi 30 paıyzǵa tómendetedi.
Koronavırýsqa qarsy tıimdi dári-dármekter tizimine «Aktemra» (tosılızýmab) jáne «Olýmıant» (barısıtınıb) te kiredi. Eki dári de óz tıimdiligin dáleldep, Reseı Densaýlyq saqtaý mınıstrliginiń klınıkalyq usynystaryna engen.
Rolıktiń sońynda Malysheva vırýstyq ınfeksııaǵa kómektespeıtin dári-dármekterdi atady. Olarǵa gıdroksohlorohın, tamıflý, anaferon, kagosel jáne antıbıotıkterdiń barlyq túrin jatqyzdy. Dáriger osy atalǵan dári-dármekterdi taǵaıyndaıtyn dárigerlerdi tyńdamaýǵa shaqyrdy.
