Bul týraly Otbasy Bank-tyń resmı ókilderi málimdedi.
Birinshi kezekte qonys toıyn kópbalaly jáne tolyq emes otbasylar, balalar úıiniń túlekteri, múmkindigi shekteýli azamattar, bıýdjettik mekeme qyzmetkerleri men memlekettik qyzmetkerler atap ótti. Olardyń deni 1986 jyldan beri baspana kezeginde turǵan azamattar. Atap aıtsaq, 34 myń kezekte turǵan azamattyń 11,1 myńy 2019 jyly jańa qonysqa qol jetkizdi, 13,8 myńy 2020 jyly – óz úılerin satyp aldy, al 2021 jyldyń jeti aıynda jergilikti ákimdikterdiń kezeginde turǵan taǵy 9,1 myń azamatqa nesıe berildi.
Jyl sońyna deıin Otbasy bank «Baqytty otbasy», «Nurly jer» jáne «Shańyraq» pılottyq jobasy boıynsha taǵy 12 myńǵa jýyq nesıe berýdi josparlap otyr. Sońǵysyn iske asyrý úshin Qazaqstan Respýblıkasynyń Ulttyq Banki Otbasy Bankine («Báıterek» holdınginiń enshiles uıymy) 210 mlrd teńge bóldi. Onyń 131,3 mlrd teńgesi qazirgi ýaqytta turǵyn úı satyp alý maqsatyna nesıe túrinde berilgen. Ákimdikterdiń kezeginde turǵandar «5-10-20» baǵdarlamasynyń qolaıly sharttarymen jeke páterler satyp aldy, munda 5% – nesıe mólsherlemesi, 10% – bastapqy jarna jáne 20 jyl – nesıe merzimi.
78,7 mlrd teńge somasyndaǵy qarajat qaldyǵy turǵyn úı izdep júrgen qatysýshylardyń maquldanǵan nesıelik ótinimderi boıynsha nesıelendirýge baǵyttalady. Joba boıynsha 6 myńnan astam nesıelik ótinim maquldandy. Sonymen qatar, baǵdarlama qatysýshylary turǵyn úıdi baspana.otbasybank.kz jyljymaıtyn múlik portalynda usynylǵan jeke qurylys salýshylardan da, jergilikti atqarýshy organdar salǵan turǵyn úılerden de tańdaı alady.
Memleket jergilikti ákimdikterge áleýmettik turǵyn úı qurylysyna 180 mlrd teńge kóleminde qarjy bóldi. Bul aımaqtarda, sondaı-aq Nur-Sultan men Almaty qalalarynda sharshy metr qunynyń baǵasyn bekitip, baspana salýǵa múmkindik berdi.
Bólingen qarajat tolyq kólemde ıgerilgenine baılanysty (maquldanǵan nesıelik ótinimderdi eskere otyryp), «Otbasy bank» 2021 jyldyń 9 qyrkúıeginde «Shańyraq» jobasy boıynsha nesıelik ótinimderdi qabyldaýdy toqtatady.
Sonymen birge, baspana.otbasybank.kz jyljymaıtyn múlik portalynda jergilikti atqarýshy organdardyń kezeginde turǵan azamattarǵa arnalǵan «Nurly jer» baǵdarlamasynyń «nesıelik turǵyn úı» baǵyty boıynsha ótinim qabyldaý jalǵasýda.
