Qaırattyń esimi de jankúıerlerge jaqsy tanys. Eńbek jolyn qatardaǵy qarapaıym bapkerlikten bastaǵan. 2011 jyly elimizdiń jasóspirimder quramasynyń aǵa jattyqtyrýshysy bolyp taǵaıyndalyp, bul qyzmetti ol tapjylmaı segiz jyl atqardy. Sol aralyqta balǵyn bylǵary qolǵap sheberlerimiz álem birinshilikteriniń jalpy esebinde eki márte (2013, 2015 jyldary) úzdik úshtiktiń qatarynan kórinip, taǵy eki ret (2013, 2017 jyldary) Azııanyń teńdessiz komandasy atandy.
2019 jyly Qaırat Sátjanov Qazastannyń jastar quramasynyń tizginin ustady. Bul rette de ol eleýli tabystarǵa qol jetkizdi. Aıtýly mamannyń jetekshiligimen bizdiń jigitter 2019 jáne 2021 jyldary sary qurlyqta aldyna jan salmasa, bıylǵy álemdik dodada ekinshi oryndy jeńip aldy.
