Foto: Liter.kz
«Memleket basshysy Qasym-Jomart Toqaev óziniń Qazaqstan halqyna Joldaýynda memlekettik jáne ekonomıkalyq saıasattyń jańa mindetterin belgilep berdi. Joldaýdy iske asyrý úshin Jalpyulttyq jospar ázirlendi. Ol Joldaýdyń negizgi baǵyttary men Memleket basshysynyń bastamalary boıynsha mindetterdi sapaly ári jedel sheshýge baǵyttalǵan», dedi Premer-Mınıstr.
Mamınniń málimdeýinshe, Úkimet jumysynyń mańyzdy baǵyty Memleket basshysynyń azamattardyń ál-aýqatyn arttyrý jónindegi bastamalaryn iske asyrý bolady. Jalaqyny kóterý, jeke sektordyń úlesin ulǵaıtý, salyqtyq júktemeni azaıtý arqyly naqty tabystyń ósýin qamtamasyz etýge erekshe nazar aýdarylady.
«Usynylyp otyrǵan Jalpyulttyq is-sharalar jospary alǵa qoıylǵan mindetterge tolyqtaı saı. Barlyq birinshi basshylarǵa Jospardyń is-sharalarynyń sapaly ári ýaqtyly oryndalýyn qamtamasyz etý boıynsha derbes jaýapkershilik júkteledi. Ulttyq ekonomıka mınıstrligine Premer-Mınıstr Keńsesimen birge óte qysqa merzimde Jarlyq jobasyn Prezıdent Ákimshiligine engizýdi tapsyramyn», dedi Asqar Mamın.
