Ýkraına astanasy Kıevte demonstranttar bılikpen kelissóz júrgizýden bas tartyp, narazylyq aksııalarynyń aýqymyn keńeıtýge sheshim qabyldady. Bul týraly Azattyg.org habarlady.
23 aqpanda oppozısııa jetekshileri Vıtalıı Klıchko, Oleg Tıagnıbok jáne Arsenıı Iаsenıýk Ýkraına basshysy Vıktor Iаnýkovıchpen taǵy kezdesti. Kezdesýden soń Táýelsizdik alańyna barǵan Klıchkonyń aıtýynsha, kelisimge sáıkes, prezıdent Iаnýkovıch pen ishki ister mınıstri demonstranttarǵa kúsh qoldanýdy, zorlyq-zombylyqty toqtatyp, barlyq qamalǵandardy bosatady. Al narazylyq tanytýshylar mılısııaǵa qarsy áreketterin toqtatýy tıis.
ÝNIAN agenttiginiń habarlaýynsha, Oleg Tıagnıbok alańda demonstranttardan qamalǵandardyń bosatylýy úshin Grýshevskıı kóshesin bosatýdy suraǵan bolatyn. Biraq demonstranttar ol usynysty qoldamaı, qarsylyqty jalǵastyra berýge nıet bildiripti. Oǵan jaýap retinde Tıagnıbok narazylyq tanytýshylardy tártip saqtap, nusqaýdy oryndaýǵa shaqyrdy.
Oppozısııanyń taǵy bir jetekshisi Arsenıı Iаsenıýk narazylyq aksııasyn Instıtýt kóshesinen Olgınskıı kóshesine deıin keńeıtý týraly másele kóterdi.
Kıevte 19 qańtarda beıbit jıyn ótkizýdi shekteıtin zań qabyldanýyna qarsy jappaı ereýilder bastalǵan edi. Sodan beri sherýshiler men mılısııa arasyndaǵy qaqtyǵystardan bes adam qaza taýyp, 300-ge jýyǵy jaraqat aldy.
Ýkraınadaǵy halyq narazylyǵy 2013 jyly qarashada - Ýkraına prezıdenti Iаnýkovıch Eýropa Odaǵymen seriktestik shartyna qol qoımaı tastaǵanynan keıin bastalǵan. Ýkraına bıligi EO-dan bas tartqan soń Máskeýmen kelissózder ótkizip, Kreml bul elge qarjylyq kómek berýge jáne gazdy arzan satýǵa kelisken.
Eýropamen ıntergasııany jaqtaýshylardyń sodan beri basylmaı kele jatqan «Eýromaıdan» aksııasy 2004 jyly Ýkraınada bolǵan «qyzǵylt-sary tóńkeristen» keıingi eń iri narazylyq sharasy bolyp otyr.
Aıdar О́risbaev.
Derekkóz: Azattyg.org
Foto: Zn.ua
