Ekonomıka • 07 Qyrkúıek, 2021

Qurylys materıaldary nege qymbat?

44 ret kórsetildi

Bul týraly Úkimet otyrysynda Básekelestikti qorǵaý jáne damytý agenttiginiń tóraǵasy Serik Jumanǵarın aıtty, dep jazady Egemen.kz.

Spıkerdiń aıtýynsha, jyl basynan beri otandyq qurylys materıaldary 25 paıyzǵa ósti.

«Baǵanyń negizgi ósýi syrtqy naryqtaǵy baǵa jaǵdaıymen negizdelgen. Bul ózgerister armatýra (ósim 45%), kabel (20%), proflıst (70%), shyny (35%) jáne basqa da materıaldar qunyna áser etti», dep túsindirdi ol. 

Sondaı-aq elektr energııasyna tarıfterdiń ortasha - 12%-ǵa, janar-jaǵarmaı - 15%-ǵa, energetıkalyq kómir -10%-ǵa, temirjol tasymaldary - 18%-ǵa ósken. Bul óz kezeginde otandyq qurylys materıaldary baǵasynyń ósýine tikeleı áser etti. Onyń ózindik qunyna shaqqandaǵy shyǵyny 15-ten 30% quraıdy.

S.Jumanǵarınniń málimdeýinshe, baǵany kóterýdiń negizdiligin qaraý jáne sóz baılasý belgilerin belgileý maqsatynda qurylys materıaldarynyń 25 túri (kirpish, beton, armatýra, sement jáne t.b.) boıynsha naryqtaǵy básekelestiktiń jaı-kúıine taldaý júrgizilip jatyr. Talaptardy buzý belgilerin joıý jáne baǵany tómendetý qajettiligi týraly 75 habarlama joldanǵan. Tek 42 kompanııa habarlamada aıtylǵan talapty oryndaǵan.

«Onyń ishinde 35 kompanııa baǵany tómendetti: armatýra – 25%, sement – 10%, beton – 10%, polıetılendi qubyrlar – 6%, kabel – 5-ten 14%-ǵa deıin, kirpish - 3% arzandady. Sonymen qatar bul baǵytta 10 tergep-tekserý jumysy júrip jatyr», dedi agenttik basshysy.

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Almaty qalasy «sary» aımaqta

Koronavırýs • Búgin, 10:28

Uqsas jańalyqtar