Álem • 07 Qyrkúıek, 2021

Sot MH17 apatyna qatysty úkimniń qashan shyǵatynyn aıtty

294 ret
kórsetildi
1 mın
oqý úshin

Amsterdamnan Kýala-Lýmpýrǵa MH17 reısimen ushqan Malaysia Airlines avıakompanııasynyń Boeing 777 apaty týraly sheshim 2022 jyldyń sońyna deıin shyǵarylady, dep habarlaıdy Egemen.kz MENAFN-ge silteme jasap.

Sot MH17 apatyna qatysty úkimniń qashan shyǵatynyn aıtty

Bul týraly tóraǵalyq etýshi sýdıa Hendrık Stoenhýıs málimdedi. Úkimniń boljamdy kúnderiniń ishinde ol 2021 jyldyń 22 qyrkúıegi men 22 jeltoqsanyn atap ótti.

Sotta MH17 apatynan qaıtys bolǵandardyń 90-nan astam otbasy músheleri - Nıderlandy, Avstralııa, Malaızııa, Indonezııa jáne Kanada azamattary sóz sóıleıdi. Aldyn ala kestege sáıkes sot tyńdaýlary osy jyldyń 7, 10, 13, 14, 16, 21, 23 jáne 24 qyrkúıeginde ótedi.

Atalǵan is boıynsha tórt aıyptalýshy - ózin-ózi jarııalaǵan DHR (Donesk Halyq Respýblıkasy) burynǵy Qorǵanys mınıstri Igor Gırkın (Strelkov), general-maıor Sergeı Dýbınskıı (Hmýryı), polkovnık Oleg Pýlatov (Gıýrza), sondaı-aq Ýkraına azamaty Leonıd Harchenko (Krot). Olar Reseıden Ýkraınaǵa Boeing 777 atylǵan zenıttik-zymyran qondyrǵysyn jetkizdi dep kúdiktenedi.

Eske sala ketsek, 2014 jyldyń 17 shildesinde Amsterdamnan Kýala-Lýmpýrǵa attanǵan Malaysian Airlines reısi apatqa ushyrady. Ol Donesk oblysynda, Reseı-Ýkraına shekarasynan shamamen 50 shaqyrym jerde qulady.

Áýe kemesinde bolǵan 300 adamnyń barlyǵy qaıtys boldy. 

Sońǵy jańalyqtar

Nesıe alý nege qıyndady?

Qoǵam • Búgin, 17:38

Jetisý oblysynyń turǵyndaryna jer silkinisi sezildi

Tótenshe jaǵdaı • Búgin, 17:22