Taraz qalasyndaǵy temirjol ótkelinde «jedel járdem» men teplovoz soqtyǵysty. Nátıjesinde úsh adam zardap shekti. Bul týraly Ras. kz habarlady.
«Tarazdaǵy temirjol ótkeli ústinde «jedel járdem» mashınasy men teplovoz soǵysyp qalyp, úsh adam zardap shekti», – delingen Tótenshe jaǵdaılar mınıstrligi baspasóz qyzmetiniń dúısenbi kúngi habarlamasynda.
Jol-kólik oqıǵasy jeksenbi kúni túnde bolǵan.
«Jol-kólik oqıǵasynyń nátıjesinde «jedel járdem» kóliginiń júrgizýshisi men onyń eki jolaýshysy: 23 jasar feldsher men 29 jastaǵy áıel ártúrli dene jaraqatymen aýrýhanaǵa jatqyzyldy», – dep atap ótilgen habarlamada.
Atalmysh oqıǵa poıyzdar qozǵalysyna kedergi keltirgen joq.
Hamıt Mustafa.
Derekkóz: Ras.kz.
Foto: Ras.kz.
