«Tokıo Paralımpıadasynda bizdiń elimiz óz sportshylaryn úkilep qosty. Dúbirli doda aldynda Memleket basshysy sportshylardy arnaıy qabyldap, aq jol tiledi. Kezdesý barysynda Prezıdent álemdegi júz myńdaǵan sportshynyń arasynan úzdik shyǵyp, oıyndarǵa joldama alý ekiniń biriniń qolynan kele bermeıdi degen bolatyn. Prezıdent aıtqandaı, sizder oǵan kásibı biliktilik pen daıyndyqtyń arqasynda qol jetkizýge bolatynyn dáleldedińizder. Parasportpen aınalysatyn árbir adam – jeńimpaz. Búgin elimiz boıynsha 20 myńǵa jýyq azamat parasport túrimen júıeli túrde aınalysyp keledi. Sonyń ishinde 500 sportshy Ulttyq qurama sapynda óner kórsetedi. Memleket paralımpıadalyq sport túrlerin damytý úshin qajetti jaǵdaı jasaı beredi. Qazir óńirlerde parasportshylarǵa arnalǵan 16 arnaıy top pen mektep jumys isteıdi. Elordamyzda 2018 jyly Paralımpıadalyq jattyǵý ortalyǵy ashyldy. Zaman talabyna saı jabdyqtalǵan ortalyq AQSh, Ulybrıtanııa, Japonııa, Ońtústik Koreıa elderimen qatar bizdiń elde de bar», dedi Q.Kósherbaev.
