Aqmola oblysy Esil aýdanynyń Kalachı aýylynda belgisiz aýrý jurtty ábigerge saldy. Bul týraly «24 kz» habarlady.
Syrqatqa shaldyqqan aýyl turǵyndarynyń bastary aınalyp, kózderi qaraýytyp, sodan soń múlde esten aıyrylyp uıyqtap qalady eken. О́tken jyldan beri bul aýrý túrimen 33 azamat jergilikti dárigerlerge kórinipti. Oblystan arnaıy mamandar kelip, sýdy, aýany, azyq-túlikti tekserip bári qalypty degen qorytyndy jasaǵan. «Mundaı jaǵdaı oblys tóńireginde buryn-sońdy bolǵan emes. Jalpy, Qazaqstan boıynsha osy syrqat alǵash ret beleń alyp otyr desem qatelespespin. Aýyl turǵyndary belgisiz syrqattyń sebebin óńirde osydan 10 jyl buryn jabylyp qalǵan ýran óndirisimen baılanystyrady», - deıdi Esil aýdandyq aýrýhanasynyń bas dárigeri Qabdirashıt Álmaǵambetov.
Bir jyl boıy jergilikti turǵyndardyń densaýlyǵyn qadaǵalaǵan oblystyq densaýlyq saqtaý basqarmasynyń qyzmetkerleri búgin taǵy kezekti tekserýin bastady. Naýqastardyń shashy men tyrnaǵy Astana qalasyndaǵy zerthanaǵa jiberildi. «Eki táýlik belgisiz syrqattyń sebebin anyqtadyq. Ol boıynsha dıffýzııalyq isik belgileri anyqtalyp, toksıkalyq ensefalopátııa degen qorytyndyǵa keldik», - dedi oblystyq balalar aýrýhanasynyń nevropotolog dárigeri Altyn Qartabaeva.
Aýrýdyń aty anyqtalǵanymen, onyń neden bolatyny beımálim kúıinde qalyp otyr. Sondyqtan medısına salasynyń mamandary jan-jaqty tekserý jumysyna kirisip ketti...
Ámirhan Almaǵanbetov.
Derekkóz: «24 kz».
Foto: «24 kz».
