Elimizde 1,1 mıllıonnan astam stýdent bilim alady. Onyń tek 16 paıyzy ǵana (174 myń) jataqhanamen qamtamasyz etilgen. Qazirdiń ózinde jataqhana jetispeýshiligi 80 myń oryndy qurap otyr.
«Bul máseleni ýaqytynda sheshý úshin Elbasy 2022 jyldyń sońyna deıin stýdentterge arnap 75 myń oryndyq jańa jataqhana salýdy tapsyrǵan.
Biraq, aımaqtarǵa keletin bolsaq, bastama árkelki júzege asýda», dedi depýtat saýalynda.
Ásirese, ctýdentter jataqhanasynyń eń úlken jetispeýshiligi Nur-Sultan jáne Almaty qalalaryna tıesili. Mysaly, Almaty qalasynda 170 myńǵa jýyq stýdent bilim alsa, onyń tek 31 myńy ǵana jataqhanamen qamtylǵan. Dál qazirdiń ózinde Almaty qalasy boıynsha jataqhana jetispeýshiligi 35 myń oryndy qurap otyr.
«Joǵaryda berilgen tapsyrmaǵa sáıkes, Almaty qalasynda 2022 jyldyń sońyna deıin ýnıversıtetterde 16 myń oryndyq 38 jataqhana qurylysy aıaqtalýy qajet.
Biraq, sońǵy úsh jyldyń ózinde 1600 orynǵa jýyq tek 6 stýdenttik jataqhana boı kóterdi. Bul kórsetkish tıisti memlekettik organdardyń júıeli jumysynda olqylyqtardyń bar ekendigin ańǵartady», dedi depýtat.
