«Búgin shyǵaryp jatqan naýqasymyz Ashat Otyzbaev 25 shildede aýrýhanamyzǵa kelip tústi. Úshinshi kúni tynys alýy qıyndap, jaǵdaıy nasharlap ketti. Sol kezde taǵy kompıýterlik tomografııa jasap tekserdik, ókpesi 100 paıyz zaqymdanyp ketken eken. Soǵan baılanysty ony reanımasııa bólimine aýystyrdyq. 20 kún boıy jansaqtaý bóliminde jatyp, jaǵdaıy jaqsarǵan soń búgin úıine shyǵaryp saldyq», dedi №3 Kópbeıindi qalalyq aýrýhanasynyń pýlmanolog-dárigeri Saparkúl Berdeshova-Abıldaeva.
Dárigerlerdiń aıtýynsha, Ashattyń jaǵdaıynyń tym nasharlap ketýine onyń vaksına almaǵany sebep bolǵan. Sebebi, naýqastyń jasyna qaramastan eger ol ekpe alsa aýrý jeńil ótedi jáne vaksınasııalanǵandar arasynda jansaqtaý bólimine túsetinder saýsaqpen sanarlyq, deıdi aq halattylar.
