Sábeń jazda basyna qazaqtyń taqııasyn, al qysta qazaqtyń bórkin kıip júrgen. S.Muqanovtyń tek qana jazýshy emes, ǵylymı eńbekter jazǵan ǵalym ekeni de belgili. Qazaq halqynyń ádet-ǵurpyn, salt-dástúrin, kıimderin zerttep, ózi «Qazaq qaýymy» dep ataǵan eńbegin jazdy. 1974 jyly jazýshy qaıtys bolǵannan keıin bul eńbegi qysqartylyp, aty ózgerip, «Halyq murasy (tarıhtyq jáne etnografııalyq sholý)» bolyp jaryq kórdi. Tek qana 1995 jyly «Qazaq qaýymy» degen atpen tolyq nusqasy «Sanat» baspasynan kópshilik oqyrmanǵa usynyldy, 10 tomdyq Tańdamaly shyǵarmalaryna (9-tom) endi (2020, «Qazyǵurt», Qurastyrǵan Á.Qaıyrbekov).
Osy eńbeginde: «Qazaq halqynyń bas kıimderi bórik, tymaq, qulaqshyn, jalbaǵaı, delbegeı dep atalady. Ishi eltiriden nemese ań terisinen jasalatyn, matamen tystalatyn bórik – jazdyń kıimi. Túlkiniń pushpaǵynan jasalatyn bórikti arqada «taqııa» deıdi. Áıelderdiń jeńil, úkili, sándi taqııa úlgisi qazaqqa tatardan kelgenge uqsaıdy. Semeı oblysyndaǵy, ásirese tobyqty rýyndaǵy qazaqtar bórik ornyna «jekeı» atalatyn eltiri tymaq kıgen. ...Qazaq «baǵym aýady» dep bas kıimdi eshkimge syılamaıdy» degen málimet beredi.
Rashıda OTAROVA,
S.Muqanov pen Ǵ.Músirepovtiń ádebı-memorıaldyq mýzeı kesheniniń ǵylymı qyzmetkeri
