Taǵaıyndaý • 10 Qyrkúıek, 2021

Ortalyq saılaý komıssııasynyń basshysy taǵaıyndaldy

290 ret

kórsetildi

1 mın

oqý úshin

Prezıdent Qasym-Jomart Toqaev Berik Imashevty Qazaqstan Ortalyq saılaý komıssııasynyń tóraǵasy qyzmetine qaıta taǵaıyndady, dep habarlaıdy Egemen.kz.

Gaýhar QAPASh

Ortalyq saılaý komıssııasynyń basshysy taǵaıyndaldy

«Memleket basshysynyń jarlyǵy boıynsha Berik Májıtuly Imashev Qazaqstan Respýblıkasy Ortalyq saılaý komıssııasynyń tóraǵasy laýazymyna taǵaıyndaldy», delingen habarlamada.

1960 jyly 7 maýsymda Almatyda dúnıege kelgen. 1982 jyly Lomonosov atyndaǵy Máskeý memlekettik ýnıversıtetin zańger mamandyǵy boıynsha bitirgen.

2000-2001 jyldary Tabıǵı monopolııalardy retteý, básekelestikti qorǵaý jáne shaǵyn kásipkerlikti qoldaý agenttiginiń tóraǵasy bolyp jumys istegen.

2001-2003 jyldary - Astana advokattar alqasynyń múshesi.

2002-2003 jyldary «Neftekonsaltıng» JAQ prezıdenti boldy.

2003-2005 jyldary Qazaqstan Qaýipsizdik Keńesi Hatshysynyń orynbasary laýazymynda jumys istedi.

2005 jyly shaǵyn kásipkerlikti damytý qoryn basqardy. 2005-2007 jyldary - Prezıdent Ákimshiligi basshysynyń orynbasary.

2007-2008 jyldary Qazaqstan Respýblıkasy Qaýipsizdik Keńesiniń hatshysy boldy. 2008 jylǵy aqpan-tamyz aralyǵynda Prezıednt kómekshisi - Qaýipsizdik Keńesiniń hatshysy laýazymyn atqarǵan.

2008-2012 jyldary - Parlament Senatynyń depýtaty, Konstıtýsııalyq zańnama, sot júıesi jáne quqyq qorǵaý organdary komıtetiniń tóraǵasy.

2012 jyldan 2016 jylǵa deıin Ádilet mınıstri qyzmetin atqardy.

2016 jylǵy 13 qyrkúıekte Ortalyq saılaý komıssııasynyń basshysy bolyp taǵaıyndalǵan.