«Otandyq ekinshi sýbbirlikti vaksına klınıkalyq synaqtyń birinshi merzimi aıaqtaldy. Oǵan 44 adam qatysty. Ekinshi kezeńge 200 adam jınaqtalyp jatyr. Qazir 130 adamǵa taldaýlar ótkizilip, tekserilip, vaksına salyndy. Qalǵan 70 adamdy zertteý ústindemiz. Zertteýden durys ótken jaǵdaıda eriktilerge de vaksına egemiz», dedi Hamıt Myrzaqasymov.
Sondaı-aq jańa vaksınanynyń klınıkalyq zertteýine aýdandardan eriktiler de qamtylypty.
«Basqa aýdandardan eriktilerdi ákelgenimiz ras. Qordaı jáne basqa aýdandardan keldi. Olar Tarazdaǵy kópbeıindi aýrýhananyń bazasynda tekseristen ótedi. Bazanyń óz zerthanasy bar. Tekserýler 6 aıǵa sozylady. Eriktilerdiń kelisimimen 6 aı ishinde olar kestege sáıkes taldaý tapsyrýǵa, tekserilýge kelip turady», dep atap ótti oblystyq densaýlyq saqtaý basqarmasy basshysynyń orynbasary.
